پروان ولایتی نینگ ولایت بناسیده عصیانچیلر هجومی

Image copyright BBC World Service

رسمیلرگه کوره پروان ولایتی نینگ ولایتی بیناسیده انتحارچیلر هجومی نتیجه سیده اینگ از 19 کیشی قربان بولگن.

ایچکی ایشلر وزیرلیگی اوشبو هجومده اوتز کیشی دن ارتیق انسان هم جراحت الگنینی معلوم قیلیب توقنه شولر قریب بیرساعت دوام تارتگنینی ایتگن.

پروان ولایتی نینگ عاممه ساغلیک مسووللری جراحت آلگن شخصلرنی اکثریسینی عادی اهالی دیشگن.

پروان ولایتی نینگ ولایت حاکمی ایریم خوف سیزلیک خادملری بیلن بیرگه لیکده ولایت بیناسیده یغین اویتشترگن بیر پیت بوهجوم یوزبیرگن.

پروان ولایتی نینگ ولایت حاکمی بصیر سالنگی نی ایتیشچه انتحارچی لر التی کیشی بولیب اولردن بیری اوزینی ولایت بیناسی قرشیسیده کی ایشیکده پارتله تگن. اونگه کوره بیش انتحارچی ولایت محوطه سیده کیریب باریشگه قادیر بولگن.

کینچه لیک افغان امنیتی کوچلر و عصیانچیلر اره سیده توقنه شولر باشلنگن. بو توقنه شولر کمیده بیر ساعت دوام تارتگن.

عصیانچیلرنی یوق ایتیش اوچون کابل دن پلیس کوچلری پروان ولایتیده جونه تیلگنی ایتیلماقده.

یوزبیرگن توقنه شولرده ولایت بیناسی نینگ بیرقمسی هم اوت آلگن.

بوندن الدین راق افغانستان استخبارات اداره سی نینگ سوزچیسی لطف الله مشعل توقنه شولر جریانیده بیش کوچلی پارتلش هم یوزبیرگنیدن خبربیردی.

پایتخت کابل نینگ شمالیده جایلشگن پروان ولایتی تینچ منطقه لردن بولیب عصیانچی گروه لرنینگ فعالیتی کینک کولمده کوزه تیلمه گن. اما سونگی پیتلرده اوشبو ولایت نینگ بعضی منطقه لریده عصیانچیلرفعالیتی کوپیگنی ایتیلماقده.