اوغیرلنگن دولت خادملرینی جسدلری تاپیلگن

افغان مقام لریگه کوره بوندن آلدین اوغیرلنگن سککیز خوف سیزلیک خادمینی جسد لری افغانستان شرقیدن تاپیلگن.

بولردن اوچته سی استخبارات خادمی وباشقه قالگنی پلیس عسکرلری بولگن. اوتگن پنج شنبه کونی وردک ولایتیده اوغیرلنگندی.

وردک ولایتی نینگ ولایت حاکمی سوزچیسی شاهدالله شاهد اولرنینگ جسدلری کوتی آشور دیب اتلگن منطقه دن تاپیلگنینی معلوم قیلگن.

شونینگدیک شاهد جنابلری اوچ عصیانچینی اوشبو حادثه گه عیبله نیب قولگه آلنگنیدن خبربیرگن.

اوتگن هفته ناتو کوچلری نینگ بیر تیک اوچرینی اوشبو ولایتده هلاکت گه اوچره گنی باعث 38 کیشی قربان بولگندی. امریکا حربیلری اوشبو تیک اوچر هلاکتی گه سبب بولگن طالبان عصیانچیلرینی حربی عملیات لرنتیجه سیده اولدریلگنینی معلوم قیلدی. میدان وردک ولایتی پایتخت کابل یقنیده جایله شیب اوشبو ولایت نینگ ایریم منطقه لری سونگی پیتلرده ناتینچ بولماقده.

باشقه تماندن محلی رسمیلر هلمند ولایتیده یول چیککه سیده اورنه تیلگن ماین پارتلش نتیجه سیده بیرعاییله دن بیش کیشی اولگنینی خبربیرگن.

اوشبو شخص لر موتر ارقه لی هلمند مرکزی لشکر گاه شهری قره ب کیله یاتگن پیت موترلری ماین بیلن توقنه شگن.