پارلمان معماسی جدی لشماقده

قانون دن حمایت ایتیش آتی بیلن قوریلگن پارلمانی گروپ، حکومت گه قرشی اوز ناراضلیک لرینی دوام بیرررایکن؛ اعتراض بیلن چیققن نامزد وکیللر پارلمان نینگ بیکار قیلینشینی طلب قیلگن.

اوشبو معترض نامزد لرگه کوره پارلمانی سیلاو جریانیده کینگ قلاب لیک یوزبیرگن و شوباعث اولرگه کوره ینگی پارلمان قانونی بولمه گنی اوچون بیکار قیلینیشگه توغری کیله دی.

باشقه تماندن قانون دن حمایت ایتیش اتی بیلن قوریلگن اتفاق ده اعضا بولگن وکیللر نینگ مینگلب طرفدارلری پارلمان اطرافیده یغیلیب موجود پارلماندن حمایت بیلدردی.

هرچند قانون دن حمایت ایتیش اتی بیلن قوریلگن اتفاق نیچه کون دن بیری اوز اعتراض لرینی حکومت قراریگه قرشی بیلدریب کیلگن.

اما بیرینچی مرته دیرکه بوگون بو اتفاقده اعضا بولگن ملت وکیللری نینگ طرفدارلری اوشبو وکیللر نینگ اویشترگن ناراضلیک نمایش لریگه حصصه قوشه دیلر.

بومناسبت بیلن ملی کینگاش بیناسی نینگ قرشی سیده اویشتریلگن نمایشده مینگلب کابل یشاوچیلری، ولایتدن کیلگن وکیللر طرفدارلری همده، ایریم سیاسی حزب مسووللری و جهادی قوماندانلر حصصه قوشگندی.

یغیلگن مینگلب کیش لرنی بوکونگی نمایشده تولیق حصصه قوشیشلری کوتیلرایدی .اما نامعلوم دلیلر باعث اولرنینگ اکثریتی نمایشده قوشیلمه دی. اما شوندی بولسه هم تینچ بیرشکلده نمایش بولیب اوتدی.

نمایش سونگیده قانون دن حمایت ایتیش آتی بیلن قوریلگن اتفاق باشلیغی ملت وکیللی حاج ظاهر قدیر بو نمایش نینگ بیرینچی نمایش بولیب قالمس لیگنی اورغولب اگرده حکومت اولرنینگ ایستک لریگه جواب بیرمه سه ریاست جمهوررلیک سرای نینگ ایشیگی گه چه بوکبی نمایش لرگه دوام بیریشینی ایتدی."بوکونگی نمایشی میز شو ییرگه چه ایدی، بوندن بویان ایسته گی میزگه جواب بیریلمه سه معنوی جنابلری بولسه یاده باشقه بیر اجرای ارگان اوندن کیین حرکتی میز ریاست جمهورلیک سرای ایشیگیگه چه بوله دی. اوزمان بومعما حل بولمه گونگه قدر بیز اوز موققی میزدن قیتمی اوشه ییرده ناراضلیگی میزنی دوام بیره میز دیب اگاه لنتری." ظاهر قدیر.

Image copyright BBC World Service

اعتراض بیلدریب کیله یاتگن نامزد وکیللر شوپیت گه قدر مخصوص محکمه قرارینی عملی بولیشینی ایتب اوشبو محکمه تمانیدن موفق تانیلگن 62 کیشی نینگ پارلمان گه یول تاپیشی قانونی دیب تاکیدلب کیلرایدی بیراق بوکونگی اوتکزگن مطبوعات انجمنیده بو نامزد وکیللرنینگ قرارلری باشقه چه بولیب موجود پارلمان نینگ بیکار قیلیش طلبینی ایلگری سوردیلر.

اولر،بولیب اوتگن پارلمانی سیلاوده کینگ کولمده قلاب کارلیک یوزبیرگنی باعث موجود پارلمان نینگ بیکارقیلینیشگه توغری کیله دی دیب فکر بیلدردیلر.

مطبوعات بیلن گپرگن معترض نامزدلرنینگ نماینده لری ایسه بوقرارنی فکر المشتریب کینچه لیک الگن لیک لرینی ایتدی یعنی اولر اوتگن ییل بولیب اوتگن پارلمانی سیلاو نینگ قانونی ایمسلیگنی ایته دیلر.

پارلمانی سیلاو نتیجه لری خصوصیده تیکشر یش الیب باریش اوچون ایجاد ایتیلگن مخصوص محکمه اوز قرارینی بوندن الدین اعلان قیلیب 62 ملت وکیللرینی وظیفه لرینی بیکار قیلیب اولر اورنیده باشقه نامزد وکیللرنی موفق دیه اعلان قیلدی.

حاضر اعتراض بیلدریب کیله یاتگن معترض نامزدلر اره سیده موفق دیه اعلان قیلینگن 62 نامزد وکیل اعتراض لرنی رهبرلیک قیلیب کیلماقده لر.

ایریم ایش بیلرمان کیشی لری یوزه چیققن جنجللرگه ایچیم تاپیلمه سه افغانستان نینگ سیاسی بحرانگه الیب کیلیش ممکن لیگیدن خواطربیلدرماقده.