قندهارده عصیانچیلر هجومی

قندهار ولایتی نینگ هوا قونالغاسی یقنیده کی خصوصی شرکت لردن بیریگه طالبان نینگ گروهی هجومیده اوشبو شرکت قوریقچیلردن تورت کیشی قربان بولگن.

شونینگ دیک هجومده باشقه سککیز کیشی هم یره لنگن. معلومات لرگه کوره یره لنگن لرهم شرکت خادملری بولگن.

هجومگه توتیلگن سپریم ناملی شرکت ناتو کوچلریگه لوجستیکی تامینات یتکزرایکن.

قندهار ولایتی نینگ پلیس مقاملریگه کوره هجوم اوچ انتحارچی تمانیدن عمل گه اشریلیب نتیجه ده تورت افغان قوریقچیسی قربان بولگن همده، پلیس کوچلری، یره لنگن لردن اوچته سینی نیپال وطنداشی ایکنینی معلوم قیلگن.

محلی رسمیلرگه کوره هجومچی عصیانچیلر و شرکت قوریقچیلری اره سیده قریب بیر ساعت توقنه شو دوام تارتگن.

ایریم شرکت لر ومهم اداره لرده نیپاللیک لر قوریقچی صفتیده وظیفه الیب بارماقده.

بوندن ایککی کون الدین عصیانچیلرنینگ پروان ولایتی نینگ ولایتی بناسیده اویشترگن گروهی هجومی نتیجه سیده 22 کیشی قربان بولگندی.

اوزینی طالبان گروهی سوزچیسی دیب تانشترگن قاری یوسف احمدی اوشبو هجوم مسوولیتینی اوز بوینیگه آلگن.

اونی ادعا قیلیشچه سپریم شرکتی نینگ 25 خادمی هجومده هلاک بولگن.

کورنیشچه سونگی پیتلرده عصیانچیلرنینگ گروهی هجومی کوپیماقده بیراق ایساف کوچلری بوکبی هجوملراوتمیش لرگه کوره کمیگنینی ادعا قیلماقده.