هرات و پکتیا ولایت لریده قانلی پارتلش

Image caption پارتلش ایگرمه ایککی عادی اهالی جانیگه ضامن بولگن

رسمی معلومات لر گه کوره، هرات ولایتی ده روی بیرگن ایککی پارتلش نتیجه سیده کمیده ایگرمه تورت کیشی هلاک بولگن. مذکور حادثه لر هرات ولایتی نینگ اوبه منطقه سیده جاده چیککه سیده اورنه تیل ماین لر پارتلشی عاقبتی ده روی بیرگن.

بیرینچی حادثه یولاوچی بیر موتر ماین گه دوچ کلیب، نتیجه ده بیر عیال اولیب، و ینه یتتی کیشی آغر تن جراحتی آلگن.

خوددی حادثه طفیلی روی بیرگن ایککینچی پارتلش ده ایسه موتر یولاوچی لری نینگ بری سی هلاک بولگن.

هرات ولایتی نینگ رسمی لریدن بیری محی الدین نوری: "ایککنچی حادثه ده 22 موتر یولاوچی سی قربان بولگن. اولر رمضان هیئت بیرمی اوچون سودا ساتیق قیلیش نیتی ده هرات شهری تامان یول آلگن ایکن لر،" دیب ایتگن.

جراحت لر آره سیده بیر عیال و ایرکگ وضعیتی آغر دیب ایتیلگن.

"حادثه روی بیرگنی حقیده تلفن آلدیم. چاپیب بارسم اوکم جراحت آلگن ایکن،" دیب ایتگن جراحت آلگن لربیری نینگ قرن داشی.

عین دمده پکتیا ولایتی نینگ مرکزی، گردیز شهریده امریکالیک کوچ لر قرار گاهی ده خودکوش هجوم روی بیرگن. نتیجه ده ایسه، ایککی افغان قورق چی هلاک بولگن.

پکتیا رسمی لری گه کوره، خود کش هجوم چی پارتلوچی ماده جای لشتیریلگن نقلیه وا سطه سی نی امریکالیک حربی قرار گاهی نینگ ایشیگی قرشی سیده پارتلتگن.

رسمی لر، حربی مرکز ده ایش آلیب باره دیگن ینه یتتی عادی اهالی یاره لنگننی ایتگن لر.

طالبان گروهی حادثه نی اوز ضممه سیگه آلیب، حادثه ده اونله ب چه امریکالیک لراولگننی ایتگن. لیکن امریکالیک کوچلر مذکور رقم نی رد ایته دی.