کرزی: کمیسیون نینگ سونگی قراری عملی بولسین

Image copyright b

افغانستان حکومتی پارلمانی سیلاو نتیجه سی خصوصیده مستقل سیلاولر کمیسیونی تمانیدن اعلان ایتیلگن قرارنی تصدیق لب عملی بولیشنی اورغوله گن.

بوندن الدین مستقل سیلاولرکمیسیونی مخصوص محکمه تمانیدن موفق دیه اعلان قیلینگن 62 معترض نامزد لردن توقیزته سینی پارلمانگه یول تاپشینی اعلان قیلگندی.

باشقه تماندن معترض نامزد لر بوگون کابلده بیریغین اوتکزیب مستقل سیلاولر کمیسیونی نینگ قرارینی ناتوغریب دیب محکمه قرارینی عملی بولمه گونگه قدر شاه یوللرنی باغله ش لری بیلن اگاه لنترگن.

مستقل سیلاولر کمیسیون نینگ پارلمانی سیلاو نتیجه سی خصوصیده چیقارگن قراریدن قریب بیرهفته اوتراکین، بیرینچی بار ریاست جمهورلیک سرای مناسبت بیلدریب سیلاو لر کمیسیو نینگ سونگی قرارنی عملی بولیشگه اورغوبیردی. ریاست جمهورلیک سرای سوزچیسی نینگ اورین باسرلریدن سیامک هروی بی بی سی بیلن بولگن صحبتیده بوحقده شوندی فکر بیلدردی."ریاست جمهورلیک بویوروغی اساسیده نهای قرارنینگ اعلان ایتلیشی مستقل سیلاولر کمیسیونی گه تاپشریلدی. اوشبو بویوروغ اساسیده مستقل سیلاولر کمیسیون نینگ سونگی اعلان ایتگن قرارینی عملی بولیشی توغری کیله دی. بیراق سیلاونینگ نیتجه سینی معماگه ایلنترگن. عامللر تحلیل وتیکشریلگنیدن کیین. لازم عمللر بیلن ریاست جمهورلیک سرای تمانیدن اعلان بوله دیب ایتدی."او.

اما، سیامک جنابلری پارلمانی سیلاو نتیجه سی نینگ معما گه ایلنترگن قندی عامللر تیکشریلیشی وریاست جمهورلیک سرای نینگ سونگی مناسبتی نیمه بولگنی حقیده اچیچقه معلومات بیریشدن باش تارتدی.

خوب شوندی ایکن بوگون بیرقنچه معترض نامزد وکیللر کابلده مطبوعات انجمنی یولگه قوییب ینه بیربار مستقل سیلاولر کمیسیون نینگ قراریگه قرشی لیک بیلدردیلر. معترض نامزد مخصوص محکمه قرارینی عملی بولیشی طلب ایتلماقده ، اولرایسه بوقرار عملی بولمه سه بوتون شاه یوللرنی یاپیب قویش لری بیلن اگاه لنتردی.

بوندن ایککی کون الدین هم معترض نامزدلر ویوزلب طرفدارلری مستقل سیلاولر کمیسیونی تمانیدن اعلان ایتیلگن پارلمان سیلاو نتیجه سیگه قرشی چیقیب کابلده کینگ ناراضلیک نمایش یولگه قویدیلر.

نمایشچیلر مخصوص محکمه قرارینی عملی بولیشینی طلب قیلماقده لر. پارلمانی سیلاو نتیجه سی خصوصیده تیکشرو الیب بارگن مخصوص محکمه 62 ملت وکیلینی قلاب کارلیک لرگه عیبلب صلاحیت سیز اعلان قیلدی اولر اورنیده 62 نامزد وکیلنی پارلمان گه یول تاپیش گه قرار صادیر ایتدی.

مستقل سیلاولر کمیسیونی محکمه قراری اساسیده موفق دیه اعلان قیلینگن 62 کیشی جمله سیدن توقیزته سینی پارلمان گه یول تاپشینی معلو م قیلدی اما بوقرار هم معترض نامزدلر وهم پارلمان تمانیدن رد ایتیلماقده. چونکی پارلمان کینگاشی اوتگن بولیب اوتگن عمومی یغینده اکثریت بیلن موجود پارلمان ترکیبیده هیچ قندی اوزکریش کیلمس لیگیگه رای بیردیلر.

کورنیشچه بوندن قریب بیرییل الدین یولگه قویلگن پارلمانی سیلاو نیتجه سی خصوصیده چیققن قرمه قرشی لیک حاضرگه چه هم حل بولمه گن.