کرزی رمضان هییتی نی مسلمان لرگه تبریک له دی

Image copyright b

بوگون رمضان بیره می نمازی افغانستان بویلب اوقیلدی. شونینگ دیک افغانستان جمهور رییسی حامد کرزی هم بیر قطار کابینه اعضا لری و ملی کینگاش اعضالری بیلن جمهورلیک ریاستی سرایده رمضان بیره می نی بوتون مسلمان لرگه تبریک له دی

کرزی جنابلری، مخالف گروه لرنینگ ینه بیر مرته تینچلیک جریانیده قوشیلیش لری نی طلب قیلدی.

شو نینگ دیک کرزی جنابلری افغانستان لیک بوتون یاش لردن ایسته دی تا تعلیم و تحصیل قیلیش لری بیلن مملکت کیله جگی نی یخشی قیلیش اوچون سعی و حرکت قیلسین لر.

بوندن بیر هفته آلدین جمهور رییس کرزی بالغ بولمه گن ایگیرمه انتحارچی میده باله لرنی قوییب آزاد ایتیش بویروغی نی ملی خوف سیزلیک اداره سیگه بیرگن ایدی.

جمهور رییس کرزی اوشبو انتحارچی لربیلن جمهورلیک ریاستی سرایگه اوچره شیب هر قه یسی بیلن گپلشتدی و عصیانچی لر مذکور باله لردن یمان یولگه فایده لگنینی معلوم قیلدی.

اوشبو انتحارچیلر 8 یاشیدن تا 18 یاش گه چه بولیب کابل، غزنی، لوگر، کاپیسا، بلخ، قندهار و خوست ولایت لریدن دیر.

کرزی جنابلری ژورنالیست لر، کابینه سی اعضالری، ملی تینچلیک کینگاشی نینگ ریسی برهان الدین ربانی و باشقه بیر قطار دینی و عملی کیشی لر حضوری ده مذکور انتحارچی باله لرنی عایله لریگه تاپشیردی.

عین حالده کرزی جنابلری مذکور انتحارچی لرگه خارجی اولکه لرده درس اوقیش اوچون بورس لر مهیا بولیشی نی هم معلوم قیلگن ایدی.

رمضان آیی نینگ ایگیرمه بیشینچی سیدن کیین خوف سیزلیک مسئله لری افغانستان نینگ کتته شهرلریده کوچه یتیریلدی. بوگون هییت بیره می ده هم خوف سیزلیک کوچ لری شهر نینگ هر نقطه سیده جایلشگن.

شو نینگ دیک ایچکی ایشلر وزیرلیگی 13 مینگ پولیس کوچلری نی کابل شهری نینگ خوف سیزلیگی نینگ تامین لش اوچون یککه کابل شهریده جایلشتیرگن.

باشقه ولایت لرده هم خوف سیز لیک مسئله لری ایسکی دن کوره کوچه یتیریلگن.