افغانستان تشقی مملکت لر بیلن ینگی رابطه قورماقده

تشقی ایشلر وزیرلیگی اوتگن نیچه آی جریانیده، دنیا نینگ بیش مملکتیده ایلچیلیک و کونسلگرلیک آچگنیدن خبر بیردی.

اوشبو وزیرلیک مقام لریگه کوره، افغانستان حکومتی، تاریخ دوامیده ده بیرینچی مرته، لاتین امریکا ده جایلشگن برازیل اولکه سیده ایلچیلیک آچماقده.

افغانستان تشقی ایشلر وزیرلیگیگه کوره، افغانستان نینگ برازیل ده گی ایلچیلیگی لاتین امریکا نینگ باشقه مملکت لری بیلن مقیم سیز بیر شلکده هم رابطه سی بار.

اوشبو وزیرلیک سوزچی سی جانان موسی زی نینگ معلوم قیلیشیچه، برازیل اولکه سی هم یقین ده اوز ایلچیلیگی نینگ کابلده آچه دی.

عین زمانده موسی زی جنابلری، افغانستان نینگ عراق ده گی ایلچی سی اوتگن تورت هفته دن بیری رسمی شکلده مذکور مملکت ده ایشی نی باشله گن. عراق و افغانستان آره سیده گی سیاسی رابطه لر، هر ایککله مملکتده اوریش لر جریانی بارلیگی سببلی تعلیق حالتیده کیرگن ایدی.

تشقی ایشلر وزیرلیگی نینگ سوزچی سیگه کوره، افغانستان نینگ هنگری ده گی ایلچیلیگی یقین زمانده عملی شکلده ایشی نی باشله یدی.

شو نینگ دیک موسی زی جنابلری کانادا اولکه سی نینگ وان اوفر و جرمنی نینگ مونشن شهر لریده افغانستان نینگ ایککینچی کونسلگرلیگی نی آچگنی دن خبر بیردی.

افغانستان حکومتی گه کوره، اوتگن اون ییل دن بیری دیپلوماتیک رابطه لری نی دنیا نینگ ایریم اولکه لری بیلن قیته دن قوریب مذکور رابطه لر کینگه یشی دن خبر بیرماقده.