اولوسی جرگه اعضا لری آرسیده قرمه قرشیلیک لر دوام تارتماقده

اولوسی جرگه نینگ بیر نیچه اعضا سی، قانون دن حمایت ایتوچی پارلمانی اتفاقی جلسه لرده غیرحاضرلیک قیلمه ی و پارلمان ایش جریانی نی کندلیک گه دوچ قیلمه سلیگی نی طلب قیلگن لر.

اوشبو جرگه نینگ بوگون کی جلسه سیده اصلاح طلبان و قانون دن حمایت ایتوچی اتفاق لری آره سیده مراثه چیلک قیله یاتگن بیر هیئت توزه لیش اوستیده هم بحث بولدی.

باشقه تماندن، خوف سیزلیک کوچلر ایسه توقیز کیشی قدیم کی ملت وکیل لر نینگ مجلسده کیریش اجازه سی نی بیرمه ی پارلمان بناسی نینگ ینه بیر مرته محاصره قیلگن ایدیلر.

شونده ی بیر حالده قانون دن حمایت ایتوچی پارلمانی اتفاقی ایسه، مذکور توقیز کیشی، اولوسی جرگه اعضا سی صفتیده ایشلری نینگ دوام بیریشی اوستیده تاکید قیلماقده.

مستقل سیلاولر کمیسیونی تمانیدن اولوسی جرگه نینگ توقیز اعضا سی صلاحیت سیز اعلام بولیشی دن کیین، معرفی بولگن ینگی ملت وکیل لر بیرینچی مرته بوگونکی مجلسده قتنه شتدیلر.

اولوسی جرگه نینگ بوگون کی جلسه سیده، ملت وکیل لرنینگ اکثریتی، قانون دن حمایت ایتوچی پارلمانی اتفاقی اعضالریدن جلسه گه قتنه شیش لری نی طلب قیلدیلر.

اولوسی جرگه اعضا لریدن محمد محقق، ملت وکیل لر آره سیده تاپیلگن قره مه قرشیلیک لرنینگ مذکور جرگه ایش لری کندلیک گه یوزمه یوز بولگنی نی معلوم قیلدی.

" بیز بونده ی بیر ایش نی قیلیشیمیز کیره ک ایمس که بوتون فضا نیچه آی، اجراییه و قضاییه قوه لریگه باغلنیب قالسک. هم قضاییه هم اجراییه و هم پارلمان هیچ بیر ایش قیله آلمه سه لر. بو عمل حقیقت ده خودکش لیک بیر هجوم دیر. پارلمان جانیگه بمب نی باغله ب خواه له یدی کرزی جنابلری نینگ اجراییه قوه سی بیلن، قضا و هم پارلمان نی پارتله تماقچی. ایناغم! بیز خودکش لیک هجوم قیلمه یمیز.

ایناغه لر و آپه سینگیل لردن ایسته یمن ایشلری نینگ اوستیده کیلیب، باش قانون اساسیده که قانون گذار لیک، حکومت عملکرد لریدن نظارت قیلیش و وزیرلرگه رأی بیریش ایشلری نی باشله سین لر. خود شو مسئله اوزی مهم بیر ایش. دیب ایتدی محقق جنابلری."

اولوسی جرگه نینگ جلسه سی جریانیده، قانون دن حمایت ایتوچی اتفاق اعضا لری، صلاحیت سیز بولگن توقیز ملت وکیل لر بیلن بیرگه جرگه ده کیرماقچی بولدی لر بیراق خوف سیزلیک کوچلری ایسه اولر نی ینه جرگه ده کیریش اوچون ایزین بیرمه دیلر.

اوشبو اتفاق اعضا لریدن اسدالله سعادتی کوره، قانون دن حمایت ایتوچی ملت وکیل لر، صلاحیت سیز اعلام بولگن توقیز کیشی نینگ حضور سیزلیک لری بیلن اولر جلسه لرده قتنه شمه یدیلر. سعادتی جنابلری شونگه قوشیمچه قیلیب، هیچ بیر معامله اوچون هم حاضر بولمه سلیک لرینی معلوم قیلدی.

مستقل سیلاولر کمیسیونی نینگ سونگی قراری، جمهور رییس کرزی همده بیرلشگن ملت لر تشکیلاتی نینگ کابلده گی نماینده لیگی حمایت لری بیلن بیرگه ایدی.

عین دمده، بیر قنچه ناکام قالگن معترض نامزد وکیل لر هم ایککی کون دن بیری، میدان وردک ولایتی دن ناراض لیک نمایش لری نی باشله ب، افغانستان جمهور لیک ریاستی سرایی یقینیده یغیلیشگن لر.

اولر، مخصوص محکمه تمانیدن 62 معترض نامزد وکیل لر نینگ اولوسی جرگه ده کیریش قراری عملی بولیشی نی طلب قیلماقده لر.