مدافعه وزیرلیگی: 60 فایز عملیات لر مستقل یولگه قویلماقده

افغانستان مدافعه وزیرلیگی حربی عملیات لرنینگ التمیش فایزی افغان قوشینلری تمانیدن مستقل یولگه قویلیب کیلینه یاتگنینی معلوم قیلدی.

افغانستان مدافعه وزیرلیگی کوره افغان حربیلری اوتمیش لرگه کوره انچه جهازله نیب تورلی خیل مشق تیارگرلیک لردن اوتگن شوباعث اوشبو وزیرلیک رسمیلری مستقل حربی عملیات یولگه قوییش قابلیت لری کوچیگنیدن خبربیرماقده. افغانستان مدافعه وزیرلیگی نینگ لوی درستیزی شیر اقای کریمی حاضرگی شرایط ده قریب التمیش فایز حربی عملیات لر مستقل بیرشلکده افغان قوشینلری تمانیدن یولگه قویلیب کیله یاتگنینی معلوم قیلدی. "اوتگن ایککی ییل گه قره گنده ملی اردو گه کیلگن فرق شوکی بیرینچیدن ملی اردوی تشکیلات نطقه نظردن اوز وظیفه سینی بجریب مستقل عمل قیلیش قابلیتی گه ایگه بولگن. حاضرگه قره گنده قریب التمیش فایز عملیات لر ملی اردوی تمانیدن مستقل شلکده عملی بوله دی قالگن عملیات لر ایسه چیت ایللیک حربیلر همکارلیگی بیلن یولگه قویله دی. 2014 میلادی ییل گه چه خوف سیزلیک مسوولیت لرینی اوز ضیمه میزگه الیش اوچون ایترلیچه تیارگرلیک الشی میز ضرور."

شونینگ دیک کریمی جنابلری ملی اردو صفی گه قوشیله دیگن یاشلر سانی کوتیلمه گن درجه ده کوتاریلگنینی اورغولب هراییده سککیز مینگ یاش ملی اردوصفیگه جذب ایتلیشدن خبربیردی.

همده او، کیله جک هجری شمسی ییل نینگ عقرب ایی گه چه ملی اردو سانینی 195 مینگ نفر گه ایتشیشدن خبربیردی. حاضرگه قره گنده ملی اردوی سانی قریب 150 مینگ گه ایتشگن.

عینی حالده لوی درستیز، خوف سیزلیک مسوولیت لری نینگ افغان امنیتی کوچلریگه تاپشریش جریانینی نینگ ایککینچی مرحله سینی عملی بولیشگه ایترلیچه تیارگرلیک موجود لیگیدن سوزیوریتدی.

بیراق انیق قیسی منطقه لر خوف سیزلیگی قچان افغان امنیتی کوچلریگه تاپشریلیشی خوصیده معلومات بیرمه دی.

خوب ایندی افغانستان مدافعه وزیرلیگی حربیلر سانی کوپیشی بیلن خوف سیزلیکنی توله تامین قیلیشه ایشانچ بیلدرایکن حربی تحلیل چی محمد اعظم قاچمس ایسه خارچی کوچلر چیقیب کیتگن تقدیر ده افغان کوچلری خوف سیزلیکنی تامن قیلیش قابلیتیگه ایگه ایمس لیگنی ایته دی.

بوندن بیرقنچه مدت الدین افغانستان پایتختی کابل قوشیمچه یتتی منطقه سیینی خوف سیزلیک مسوولیت لری افغان امنیتی کوچلریگه تاپشریلدی.

شونینگ دیک 2014 میلادی ییلگه قدر بوتون افغانستان خوف سیزلیک مسوولیت لری افغان کوچلریگه تاپشریلشی ریجه لشتریلگن. هرچند افغان حکومتی مسوولیت لرنینگ الیش اوچون هیچ قندی معما یوق لیگنی ایتیب بیراق اوشه پیت گه قدر افغان امنتی کوچلری نینگ تولیق جهازلنتریش شرط ایکنینی ایتماقده.