محلی پلیس کوچلری انسان حقلرینی ایاق آستی ایتگنی گه عیبلندی

Image copyright AP

انسان حقلریدن مدافعه ایتوچی خلق ارا بیرتشکیلات ینگی چیقارگن حساباتیده محلی پلیس کوچلری نینگ انسان حقلرینی ایاق استی ایتگنی گه عیبله گن.

اوشبو حساباتگه کوره، بوندن الدین امریکا و ناتو حمایتی استیده ایجاد ایتلگن محلی پلیس کوچلری بعضی منطقه لرده قتل جنسی زورلش اوزباشیمچه لیک قماققه الیش عمللریگه قول اورگن لر.

حساباتده یازیلیشیچه بوکبی واقعه لر طالبان فعالیتینی کینگیشی گه زمینه یره تیب بیره دی.

خلق انسان حقلریدن مدافعه ایتوچی تشکیلات 102 بیت دن عبارت بولگن بیر حساباتنی ترقه تیب، قندوز، بغلان، هرات وارزگان ولایت لریده پلیس چوکاتیده ایجاد ایتلگن محلی پلیس کوچلری نینگ ناقانونی عمللریگه قول اورگه نیگه عیبله گن. حساباتده یازیلیشچه بولایت لرده فعالیت آلیب باره یاتگن محلی پلیس کوچلری قتل، جنسی زورلش، غیر قانونی قماققه الیش کبی عمللرگه قول اورگنلر.

انسان حقلریدن مدافعه ایتوچی تشکیلات نینگ اسیا بویچه مسوولی براد امس، افغانستان حکومتی محلی پلیس کوچلرینی ایجاد ایتشی بیلن اهالی حیاتینی تهدید استیده قویگن دیب فکربیلدرگن.

قندوز لایتی نینگ خان اباد تومنیده تورت کیشی نینگ محلی پلیس تمانیدن اولدریلگنی همده هرات ولایتی نینگ شندند تومنیده کی اهالیدن بیرینی اوینی اولر تمانیدن غارت ایتلگنی حساباتده مثال صفتیده کورسه تیلگن.

مرکزی امریکاده جایلشگن انسان حقلریدن مدافعه ایتوچی تشکیلات، محلی پلیس کوچلری نینگ بوکبی عمللری ایسه اهالی اره سیده عصیانچیلر حمایتینی ارتریشی ممکن دیگن خواطرنی هم اظهارایتگن.

شونینگ دیک نشرایتیلگن اوشبو حسباباتده بغلان ولایتیده جنایتچلیک واقعه لرگه قولی بولگن سابق قوماندانلرنینگ محلی پلیس کوچلری صفیگه جذب ایتلگنی هم معلوم قیلینگن.

عینی حالده بو ولایتده کی محلی پلیس کوچلری هم ادم اوغیرلش کبی جنایت چیلیک واقعه لریگه قولی بولگنی تاکیدلنگن.

تشکیلات مسووللری امریکا و افغان حکومتیدن محلی پلیس کوچلری بیلن بولگن علاقه وحمایه سینی کسیب قویشینی طلب قیلگن.

ایساف کوچلری نینگ کابلده کی سوزچیسی کارستن جاکوبسن نشر ایتلگن حساباتنی دقت بیلن کوریب چیقیلگنینی ایتیب، بیرشلکده حساباتنی خوش قرشی له گن.

قوم اقسقاللری زوروانلیککه دوچ کیلگن انسانلرهمده کوزه توچیلر بیلن الیب باریلگن صحبت لر اساسیده تیارلنگن حساباتده ملی پلیس کوچلریدن هم تنقید ایتلیب اولرنی مردم بیلن مناسبت لری یخشی بولمه گنی معلوم قیلینگن.

محلده کی شورا لر تمانیدن معرفی ایتلگن شخص لر ایچکی ایشلر وزیرلیگی تمانیدن محلی پلیس کوچلری صف گه جذب ایتیله دی . اولرنینگ اییلیک لری ایسه ایچکی ایشلر وزیرلیگی تمایندن توله نه دی.

افغانستان نینگ بعضی بیرولایت لریده خوف سیزلیک یمان له شیشی بیلن 2010 میلادی ییلده محلی پلیس کوچلری ایجاد ایتلدی.

انسان حقلریدن مدافعه ایتوچی خلق ارا تشکیلات تمانیدن چیقاریلگن حساباتیده جاری میلادی نینگ اگست ای گه چه محلی پلیس کوچلری سانی یتتی مینگه یتیشگن. شونینگ دیک اوشبو کوچلر سانینی 30 مینگه قدر کوتاریلیشی ریجه لنگنی ایتلماقده.

محلی پلیس چوکاتیده جذب ایتلگن شخصلر قانون نینگ مستحکم لش واوزمنطقه لریده خوف سیزلیک نی تامین قیلیش کبی موضوع لر خصوصیده قریب اوچ هفته مشق تیارگرلیک لردن اوتیب کینچه لیک محلی پلیس صفتیده وظیفه له نه دی.