سعودی عربستان دیپلومات لری افغانستان نینگ ترک ایتگن لر

اوتگن هفته عصیانچیلر تمانیدن امریکا نینگ کابلده گی ایلچیلیگی همده ناتو نینگ قوماندانلیگیگه یولگه قوییلگن گروهی هجوملر جریانیده، سعودی عربستان نینگ کابلده گی دیپلومات لری افغانستان نی ترک ایتگنلر.

عربستان نینگ کابلده گی ایلچیلیگی ده ایشله یاتگن بیر افغان گه کوره، مذکور دیپلومات لر عربستان تشقی ایشلر وزیرلیگی بیلن یولگه قویگن بیر ساعت لیک مصلحت دن کیین، افغانستان نینگ ترک ایتگن لر.

شونده ی بیر حالده افغانستان تشقی ایشلر وزیرلیگی، عربستان لیک دیپلومات لر افغانستان نینگ ترک ایتگنینی تایید قیلیب لیکن کابل و ریاض آره سیده گی دیپلوماتیک رابطه لر اوز جاییگه توخته گنینی ایتگن.

مذکور وزیرلیک نینگ معلوم قیلیشیچه، کابل نینگ ترک ایتگن دیپلومات لر یقین ده کابل گه کیله دیلر.

عربستان ایلچیلیگیگه ایشله یاتگن بیر افغان نینگ بی بی سی گه بیرگن سوزلری اساسیده، عرب دیپلومات لر ایلچیلیک ده موجود بولگن بوتون حجت لرنی کویدیریب، افغان ایشلاوچی لری بیلن خدا یارینگ قیلمه کابل نی ترک قیلدیلر.

عربستان ایلچیلیگیگه ایشله یاتگن افغان، آتی توتیلمه سلیگیگه تاکید قیلیب، عرب دیپلومات لری اوتگن هفته عصیانچیلر گروهی هجوم اویشتیرگن چاغیده افغانستان نینگ ترک ایتگن لرینی معلوم قیلدی.

شونده ی بیر حالده، افغانستان تشقی ایشلر وزیرلیگی ایسه، عربستان دیپلومات لری نینگ مذکور اقدامی نی، مصوون قالیش لری اوچون صورت تاپگنی نی ایتگن.

سعودی عربستان دیپلوماتلری شونده ی بیرحالده افغانستان نینگ ترک ایتگن لر که افغانستان دولتی، مذکور مملکت اسلامی اولکه لر مابینیده مهم رولی بولگنی اوچون، افغانستان حکومتی و طالبان گروهی آره سیده گی مذاکره لر خصوصیده یخشی حصصه آلیش گه قادر بولگنی نی تاکید قیلماقده.

افغانستان جمهور رییسی حامد کرزی عربستان قیرال یا پاچا سی دن نیچه مرته همکارلیک طلب قیلگن. شونینگ دیک کرزی جنابلری نینگ عربستان ده بولگن سونگی سفریده، مذکور مملکت، طالبان و افغانستان حکومتی آره سیده یولگه قوییلگن مذاکره لردن بوتون لی حمایت بیلدیرگنی کوزه تگن ایدی.