کرزی: ربانی قاتیللری تروریست، اسلام وافغانستان دشمنلری

کرزی جنابلری برهان الدین ربانی نینگ تروریدن سونگ بیرینچی بار ایراد ایتگن سوزلریده ربانی نینگ " تینچلیک شهیدی" و اونینگ قاتیللرینی تروریست و اسلام و افغانستان دشمنلری ". دیه فکر بیلدیردی.

جمهوررییس حامدکرزی برهان الدین ربانی ترور ایتلگنی باعث نیویور ک ده کی سفرینی قسقرتریب کابل گه قیتیب کیلدی. بوکونکی اوتکزگن مطبوعات انجمنیده کرزی شوندی دیدی "نیویورک سفریدن الدین عالی تینچلیک قوریلتای نینگ دارالانشا رییسی معصوم ستانکزی تینچلیک پیامی دن عبارت بیر آودیو تسمه عالی تینچلیک ادرسی گه آلیب کیلینگنینی خبر بیردی ." دیب ایتگن افغانستان جمهوررریسی حامدکرزی.

معصوم ستانکزی هم اوشبو هجومده یره له نیب حاضر کسل خانه ده یاتقیزیلگن.

کرزی جنابلری گه کوره اولر، آودیو تسمه نینگ ایشیتگن، آودیو تسمه ده" اوزینی مولوی عنایت الله مخدوم دیب تانشترگن شخص ایسه تینچلیک پروسه سی حقیده ایریم سوراق و سواللرنی اورته گه قویگن عالی تینچلیک و اینقسه برهان الدین ربانی نینگ حرمت بیلن یادله گن."

عینی حالده حامدکرزی استاد ربانی نینگ تهرانده کی سفری جریانیده اونگه تیلفون قیلیب صحبت قیلیش مقصدی بیلن کیلگن شخص بیلن اوچره شیش اوچون زودلیک بیلن کابل گه قتیشینی تاکیدقیلگنینی هم ایتیب اوتگن.

شونینگ دیک حامدکرزی بوکونگی سوزلریده شوندی دیدی " تاسف بیلن اوزینی صلح قاصد ل ری دیب تانشترگن شخص قاتل ایکن و اولر اسلام وصلح آتیدن سوی استعمال قیلیب عالی تینچلیک کینگاش رییسینی اولدیردی ". ایتگن او.

کرزی جنابلری خبرنگار لر نینگ سوراق لریگه جواب بیرمه دی.

طالبان عصیانچیلری ایسه برها ن الدین ربانی نینگ ترورینی اوز بوینیگه المی حاضرگه قره گنده بوخصوص ده هیچ قندی مناسبت بیلدیرمسلیک لرینی ایتگن.

خوب شوندی ایکن، برهان الدین ربانی نینگ طرفدار لری اینیقسه عبدالله عبدالله اوزینی پارتله تیب ربانی نینگ حیاتیگه ضامن بولگن شخص بیلن اوچره شیشی اوچون کرزی نینگ سببچی بولگنینی سوال استی قویب بوحقده اونی جواب بیریشی کیره ک لیگینی ایتگن.

انتحارچینی استاد ربانی اویده الیب بارگن عالی تنیچلیک قوریلتای اعضاسی مولوی رحمت الله واحدیار اوزی هم اوشبو حادثه ده جراحت الگن ملی خوف سیزلیک مسوولری بیلن اوتکزگن مطبوعات انجمنیده انتحارچینی طالبان نینگ سابق اعضالریدن و حاضر فعال کویته شوراسی بیلن علاقه ده بولگن مولوی حمید الله دیگن شخص تمانیدن تانشتریلگنینی ایتدی.

اونگه کوره حمید الله نام نیچه مرته استاد بیلن اوچره شگن ایکن وقریب تورت ای دن بیری عالی تینچلیک قوریلتای بیلن علاقه سی بارایکن.

اونی اظهاراتیگه کوره بیره مدن سونگ مولوی حمید الله اونگه تیلفون اچیب تینچلیک اوچون مهم پیامی بولگن باشقه بیر شخص کابل کیله دی دیب خبربیرگن.

اونی ایتشچه بیرنیچه وقت اوتیب اوتمس بیر شخص کویته دن قندهار واوییردن کابل گه کیلگن.

واحدیار جنابلریگه کوره اوزینی کویته شوراسی نینگ نماینده سی دیب تانشترگن شخص نیچه کون هم عالی تینچلیک قوریلتای نینگ کابلده کی مهمان خانه سیده قالگن. اوندن کیین استاد ربانی بیلن اوچره شیب اوزینی پارتله تگن. رحمت الله واحدیار نی اوزی هم یوزبیرگن حادثه ده جراحت کوتارگن.

افغانستان ملی استخبارات اداره سی واحدیار جنابلری نینگ سوزلریگه اساس له نیب برهان الدین ربانی نینگ تروری گه طالبان فعالیت لرینی باشقریب کیله یاتگن کویته کینگاشی نینگ قولی بولیشی ممکن لیگینی ایتگن. عینی حالده حادثه ده باشقه کیم وقیسی گروه لرنی انیق قولی بولگنی جدی تیکشریلیشیدن خبربیرگن