حقانی ترماغی ربانی تروری گه قول بولگنینی رد ایتدی

عصیانچیلیک فعالیت لرینی یولگه قویب کیله یاتگن حقانی ترماغی نینگ باشلیغی بی بی سی گه اوشبو گروه ربانی تروری گه مسوول ایمس لیگینی ایتگن.

بیراق افغان مقاملری برهان الدین ربانی تروری گه حقانی ترماغی نینگ قولی بارلیگیگه عیبله گندی.

همده سراج الدین حقانی بی بی سی پشتو خذمتیده، پاکستان جاسوس لیک خذمتی بیلن هیچ قندی علاقه سی یوق لگینی ایتگن. حقانی جنابلری بی بی سی تمانیدن یازیب یوباریلگن سوراق لرگه اوز جواب لرینی بیر ایدو تسمه ارقه لی بی بی سی گه اوزه تگن. او، امنیتی معمالر باعث یوزمه یوز صبحت قیلشدن باش تارتگن.

حقانی ترماغی نینگ اساسچی سی جلال الدین حقانی نینگ اوغلی سراج الدین حقانی اوشبو گروه نینگ رهبری صفتیده فعالیت قیلیب کیلماقده. حقانی ترماغی سونگی پیتلرده اویشتریلگن قانلی هجوملرگه قولی بارلیگی ایتلیب کیلماقده.

سیپتامبر ای نینگ ایگرمه سیده عالی تینچلیک قوریلتای باشلیغی برهان الدین ربانی اوز اویده ترور ایتیلدی.

سراج الدین حقانی بی بی سی سوراق لرگه جواب قیته ریب شوندی دیگن" بیز برهان الدین ربانی نینگ اولدیرمه گن میز بو موضوع نی نیچه مرته اسلامی امارت سوزچیسی تاکیدلب کیلگن دیب." فکر بیلدرگن.

بیراق طالبان عصیانچیلری ربانی تروری حقیده فکر بیلدیر مسلیک لرینی ایتماقده.

ربانی تروری حقیده تحقیقات الیب بارگن کمیسیون تحقیقات نتیجه سینی اعلان قیلیب ربانی جانی گه سوی فصد اویشترگن شخص نینگ پاکستان وطنداشی ایکنینی ایتگن، اولرنی معلوم قیلیش لریچه ربانی قتلی پاکستان نینگ کویته شهریده ریجه لشتریلگن ایکن.

شونینگ دیک افغانستان حکومتی پاکستان جاسوس لیک خذمتی نینگ اوشبو هجومده علاقه دار ایکنی گه عیبله گن، بیراق پاکستان بوکبی ادعالرنی رد ایته دی. همده افغانستان وامریکا مقاملری پاکستان جاسوس لیک خذمتی نینگ حقانی ترماغی بیلن علاقه دارلیکده عیبلیدی.

حقانی جنابلری امریکا ایلچی خانه سی و ناتو مرکزیده اویشتریلگن هجوملرنی تن الیب اونی ایتیشچه اوشبو هجوملر " شورای نظامی " بویوروغی اساسیده عملگه اشریلگن.

باشقه تماندن سراج الدین حقانی آی اس آی بیلن علاقه سی باره سیده شوندی دیگن" شورا اتفاقی تمانیدن افغانستان اشغال ایتلیشی بیلن جهادی گروه لر پاکستان استخبارات اداره سی وباشقه اولکه لر استخبارات اداره لری بیلن علاقه لری بارایدی. اما امریکا هجومیدن کیین هیچ بیر تشقی اولکه نینگ استخبارات اداره لری بیلن علاقه قوریلمه گن."

عینی حالده او، امریکا وباشقه اسلامی اولکه لر نینگ استخبارات اداره لرینی حقانی لر بیلن علاقه قوریب " بیزنینگ" جهاد دن قول تارتیب افغانستان دولتی بیلن فعال همکار بولیشینی ایستیدی. دیب ایتگن."او.

حقانی جنابلری، بو مسله مسوولیتی اونینگ گروهی گه علاقه لی ایمس لیگینی ایتگن." بیز بیله میز که اولرنی مقصد لری صلح ایمس، بلکه اولر مجاهدین اره سیده تفرقه تشلش نیتیده." دیب ایتگن.

شونگه قوشیمچه سراج الدین حقانی اوز صحبتیده ملاعمر نینگ رهبر اتب اونی فرمانی آستیده فعالیت الیب باره یاتگنینی معلوم قیلگن. اونی ایتیشچه حقانی ترماغی تمانیدن اویشتریله دیگن هربیر عملیات ملاعمر تمانیدن دستور بیریلیب مالی منبع سی هم اونگه کوره اسلامی امارت تمانیدن توله نه دی.