امریکا کوچلریگه قرشی ناراضیلیک نمایش

افغانستاده کی سیاسی حزب لردن بیری نینگ اونلب طرفدارلری بوکون کابلده ناراضلیک نمایش یولگه قویب خارجی کوچلرنینگ تیزاراه ده افغانستاندن چیقیب کیتیشینی طلب قیلدیلر.

نمایشچیلر امریکا و افغانستان حکومتی گه قرشی بقریش لر بیلن امریکا بیرقی و افغانستان جمهورریسی حامد کرزی نینگ صورتینی کویدیرگن لر.

اوشبو ناراضلیک نمایش امریکا نینگ افغانستانده بولگن هجومی نینگ اون ییلیگینی قاره لش مقصدی بیلن همبستگی دیب ناملنگن حزب نینگ طرفدارلری تمانیدن یولگه قویلدی

نمایشچیلر نینگ کوپ قسمینی خاتین قیزلر تشکیل بیررایدی، اولریوزبیرگن اوریشده قربان بولگن اهالی صورت لرینی قوللریگه کوتاریب امریکا کوچلری نینگ افغانستاندن چیقیب کیتشینی طلب قیلدیلر."شاهد سیز اون ییلدن بیری امریکا تورلی شعاربیلن افغانستانده کیلگن یعنی، بیز دموکراسینی تامین لی میزدیب. دموکراسینی آلیب کیلگن بولسه هم، مردمی میزنی قانینی توکه دی. شو اوچون بیز امریکا کوچلرینی افغانستاندن چیقیب کیتشینی ایستی میزدیب ایتدی نمایشچیلردن بیری."

نمایشچیلرگه کوره امریکا لیکلر افغانستانده امنیت کیتریش مقصدی بیلن هجوم قیلدی. بیراق اون ییل اوتیشی بیلن نه فقط خوف سیزلیک تامین لنمه دی بلکه اولرگه کوره ، مردم اوته قشاق وایش سیزلیک حالت بیلن حیات کیچرماقده. عینی حالده نمایشچیلر افغانستان اهالیسی نینگ حیاتیگه ضامن بولگن شخص لرنی محاکمه بولیشینی طلب قیلدیلر.

همبستگی حزب نینگ سوزچیسی سید محمود پایز ایسه حاضرگی وضعیت افغانستان خلقی نینگ حوصله سینی پر قیلگنینی اورغولب خارجی چیقیب کیتشی بیلن جاری وضعیت نینگ یخشی بولیشینی ایتدی.

بوندن الدین هم افغانستان ایریم ولایت لریده یولگه قویلیب کیلگن حربی عملیات لرده اهالی قربان بولگنی همده خارجی کوچلرنینگ اوزباشیمچه لیک قیدرو عملیات لریگه قرشی ناراضلیک نمایش لر یولگه قولیب کیلگن.