ایران، افغانستان چیگره حدودلرینی راکت اوقی بیلن نشانگه آلگن

ایران توپراغیدن آتیلگن سککیز راکت اوقی افغانستان چیگره حدودلریده کیلیب توشگن. افغانستان چیگره قوریقچی پلیس کوچلری اوشبو راکتی هجومنی تصدیق له گن.

پلیس کوچلریگه نیمروز ولایتی نینگ بعضی بیر حدودلری چهارشنبه کوندن بیری راکتی هجوملرگه توتیلیب بوگون ایرته لب گه چه دوام تارتگن.

نیمروز ولایتی نینگ پلیس باشلیغی جبار پردلی اوشبو راکت هجوم گه اون اوچ یاشیده بولگن بیر باله یره لنگنینی ایتگن.

پردلی جنابلریگه کوره نیمروز ولایتی نینگ " گذر عبدالرحمان وخواجه عبدالرحمان دیب ناملنگن حدودلری راکت اوق لری بیلن نشانگه الینگن.

پلیس باشلیغینی معلوم قیلیشچه راکت هجومیگه توتیلگن منطقه نینگ، افغانستان یاده ایران گه قرشلی بولگنی خصوصیده قرمه قرشلیک لر موجود ایکن.

پردلی جنابلری بی بی سی بیلن بولگن صحبتیده شوندی دیگن" بو توقنه شولر الدینلر هم بولیب اوتگن یعنی 1352 ییلدن بیری حاضرگه چه افغانستان وایران چیگره پلیس کوچلری اره سیده توقنه شوو لر انده سنده یوزبیریب کیلماقده وحاضرگه قدر هم بو جنجل حل بولگنی یوق."

ایریم گزارش لرگه راکت اوق لری اهالی اویلریگه اصابت قیلمه گنی ایتیلگندی بیراق نیمروز پلیس باشلیغی اوز اظهاراتیده، ایران توپراغی ارقه لی مسکونی محل لر نشانگه الینگنینی معلوم قیلگن.

عینی حالده پردلی جنابلری ایران نینگ راکتی هجومیگه قرشی راکتی هجوم افغانستان کوچلری تمانیدن اویشتریلگنینی ایتدی.

بوندن الدین لر هم افغانستان و ایران چیگره قوریقچی حربی لری اره سیده توقنه شولر یوزبیریب کیلگن.