سیمین بارکزی دوسیه سی قیته تیکشریلیشی ممکن

افغانستان ملی کینگاش باشلیغی عبدالروف ابراهیمی گه کوره آچلیککه چیققن سیمین بارکزی دوسیه سینی قیته تیکشریش اوچون یول یوروق لر کوریب چقیلماقده.

بوگون اولیسی جرگه مجلیسده طبعی افت لرگه قرشی کوره شیش قانونی اوسیتگه بحث بولیشی کوتیلرایدی.

اما اکثریت ملت وکیللری ایسه اعتصاب قیلگن سیمین بارکزی تقدیری حقیده بحث بولیش طلبینی ایلگری سوردیلر.

خانم سیمین بارکزی بوندن اون بیرکون آلدین پارلمان کینگاشی نینگ بیناسی یانیده چادر تکیب اوقات یمسلیک اعتصابیگه چیقدی. اما، ملی کینگاشی نینگ رییسی عبدالروف ابراهیمی جلسه جریانیده حامدکرزی اوبیلن تیلفونی علاقه قوریب خانم بارکزی نینگ قانیقتریش اوچون بوموضوع گه علاقه لی قوریلمه لرنینگ سعی قیلشینی معلوم قیلدی دیب فکر یوریتدی."سیمن بارکزی باره سیده جمهورریس کرزی جنابلری صحبت قیلدی. سیلاولر کمیسیون دن مکتوب کیله دی.قانوندن نظارت ایتیش کمیسیونی هم اوز فکرینی بیلدره دی. کوریلیک قنه اولر قنداق مصلحت بیره دی دیب ایتدی ابراهیمی جنابلری."

اکثریت ملت وکیللری خانم بارکزی نینگ اعتراضلرینی حقلی ایکنینی ایتدیلر، همده ملت وکیللری اونینگ طلب لریگه زودلیک بیلن جواب بیریلشینی تاکیدقیلیب چیقدیلر.

خوب شوندی ایکن قانون دن حمایت ایتیش آتی بیلن قوریلگن پارلمانی اتفاقی نینگ سوزچیسی اسدالله سعادتی خانم بارکزی نینگ دوسیه سی خلق ارا قوریلمه لرتمانیدن تیکشریلیشی لازم لیگینی ایتدی.

خانم سیمن بارکزی سیلاولرکمیسیون ریسی کیلیب دوسیه نی تیکشرسین دیمیدی چونکی سیلاولرکمیسیون ریسی معنوی جنابلری طرف. شواوچون سیمین بارکزی نینگ دوسیه سی خلق ارا نهادلرتمانیدن تیکشریلسین." دیدی او.

خانم بارکزی نزدیده بارگن افغانستان دولتی نینگ پارلمانی ایشلر وزیرلیگی نینگ وزیری همایون عزیز مستقل سیلاولر کمیسیونی بارکزی دوسیه سی اوستیدن هرتمانله مه تیکشریش الیب باریشینی معلوم قیلدی.

شونینگدیک کوپینچه مدنی قوریلمه لر اعضالری همده انسان حقلرینی سقلش کمیسیون خادملری. خانم بارکزی بولگن چادر اطرافیده یغیلگندی.

سیمن بارکزی هرات ولایتیدن پارلمان گه یول تاپگندی ، بوندن قریب ایککی آی الدین مستقل سیلاولر کمیسیونی سککیز کیشی و خانم بارکزی نینگ قلاب کارلیک لریگه عیبلب پارلماندن چیت لنتردی.

خانم بارکزی بوندن اون بیرکون آلدین اوقات یمسلیک اعتصابیگه چیقیب حاضرگه قدر هم اوز قراریگه توخته گن.

افغانستان عامه ساغلیک وزیرلیگی خانم بارکزی نینگ تلف بولمس لیگی اوچون هرکیچه اونگه قریب 2500 سی سی سیروم تطبیق ایتله یاتگنینی معلوم قیلگن.