کلینتون مذاکره مسله سینی دوام بیریشینی تکلیف قیلماچی

Image copyright BBC World Service

امریکا تشقی ایشلر وزیری هیلاری کلینتون افغانستان گه سفرقیلگن او، اوشبو سفریده کرزی بیلن اوچره شیب طالبان بیلن مذاکره قیلیش مسله سینی دوام بیریش اوچون کرزی نینگ ترغیب ایتماقچی.

اماجمهوررییس کرزی عالی تینچلیک قوریلتای باشلغی برها ن الدین ربانی ترور ایتلیشدن سونگ طالبان بیلن مذاکره قیلیش مسله سینی قیته کوریب چیقیشینی تاکیدله گندی.

شونینگ دیک خانم کیلینتون اوشبو سفری جریانیده امریکا نینگ افغانستان بیلن اوزون مدت علاقه سی بولیشی اوچون هم افغانستان خلقی گه ایشانچ بیلدریشی کوتیله دی.

امریکا قوشمه ایالت لری خوف سیزلیک مسوولیت لرینی افغان لرگه تاپشریش برنامه سینی تیزلشتریب افغانستانده کی کوچلرینی کمیترماقچی.

امریکا تشقی ایشلروزیری بیلن سفر قیلگن امریکا لیک مقاملریدن بیری خبرنگار لرگه شوندی دیگن:" او شونی ایتماقچی کی امریکا قوشمه ایالت لری تینچلیک برنامه سینی یولگه قویش اوچون بیرگن وعده لریگه توخته گن، جمهورریس کرزی نینگ بو خصوصده کی ریجه لریدن حمایت بیلدره دی، ربانی تروری طفیلی بو پروسه گه کیلگن معمانی انیق لیدی." دیب ایتگن امریکا مقاملریدن بیری.

برهان الدین ربانی عالی تینچلیک قوریالتای باشلیغی صفتیده طالبان بیلن مذاکره قیلیش برنامه سینی رهبرلیک قیلرایدی.او اوتگن آی اوزینی طالبان وکیلی دیب تانشترگن بیر انتحارچی تمانیدن هجوم گه توتیلیب هلاک بولدی.

سونگی پیتلرده طالبان عصیانچیلری مهم مرکزلر و دولت نینگ یوقاری مرتبه لی خادملرینی نشانگه آلیب کیلماقده.

حقانی ترماغی ایسه اویشتریلگن هجوملردن اکثریسینی اوزبوینگه آلگن. حقانی ترماغی نینگ اساسی مرکزی پاکتسانده بولگنی اوچون امریکا نینگ پاکستان بیلن بولگن علاقه سیگه منفی تاثیر قویگن.

عینی حالده امریکا قوشمه ایالت لری حقانی ترماغی نینگ پاکستان جاسوس لیک خدمتی بیلن علاقه سی بارلیگینی ادعا قیله دی اما پاکستان بومسله نی رد ایتماقده.

باشقه تماندن افغانستان جمهوررییسی حامدکرزی برهان الدین ربانی ترور ایتیلگنیدن سونگ، طالبان بیلن ایمس بلکه پاکستان بیلن مذاکره الیب باریش ثمره بیریشی ممکن لیگینی ایتگندی.