جوزجان اهالیسی گه، قورغاقچیلیک کتته خساره یتکزگن

Image copyright AP

جاری ییل یوزبیرگن قورغاقچلیک باعث جوزجان رسمیلرگه کوره، اینگ از یتمیش مینگ عاییله جدی خساره کوریب اولردن بیرقسمی قوشنی ولایت لرگه کوچیب کیتیشی گه مجبور بولگن.

جوزجان ولایتی نینگ طبعی آفت لرگه قرشی کوره شیش اداره سی باشلیغی عزیزالرحمان ایماق بی بی سی بیلن بولگن صحبتیده یتمیش مینگ عاییله دن قریب بیرمینگ بلخ، فاریاب، سرپل ولایت لریگه کوچگن. عینی حالده اولردن بیرقسمی جوزجان ولایتی نینگ چیککه حدودلرینی ترک ایتیب شهرمرکزیده کیلگنلر.

عینی حالده ایماق جنابلری جاری ییل یوزبیرگن قورغاقچلیک لر باعث اکثریت دهقانلر هیچ قندی حاصل قولگه کیرته آلمه گنینی ایتگن.

جوزجان ولایتی نینگ للمی حدودلریده یشه یدیگن اهالی جدی ضرر کورگن.

اوز منطقه لرینی ترک ایتیب جوزجان مرکزی گه کوچیب کیلگن عاییله لر حاضرگه قدر هیچ قندی یاردم قولگه کیرتمه گنینی اورغولب ، زودلیک بیلن یارد ایتیلمسه قیش فصلی کیریب کیلیشی بیلن کتته قینچلیک لر بیلن دوچ کیلیش لریدن خواطراظهار ایتگنلر.

جوزجان رسمیلری هم اهالی نینگ بو سوزلرینی تصدیق لب یاردم طلب لرینی ایلگری سورگن.

افغانستان زراعت وزیرلیگی جاری ییل یوزبیرگن قورغاچیلیک باعث جوزجان ولایتیدن تشقری باشقه شمالی شمال شرقی وجنوب غربی ولایت لرده کی اهالی هم جدی خساره کورگنینی معلوم قیلگندی.

عینی حالده اوشبو وزیرلیک رسمیلری قورغاقچلیک دن خساره کورگن اهالی گه یاردم یتکزیش اوچون جهان ازوق اوقات تشکیلاتی نینگ سوزبیرگن یاردمیدن تشقری باشقه 142 میلون امریکا لیک دالرگه جدی نیاز بارلیگینی معلوم قیلگندی.

افغانستان زراعتی بیر اولکه بولگنی گه قره مسدن حاضرهم میلیون لب تن بوغدای همده اذوق اوقات محصولاتی باشقه اولکه لردن الیب کیلینه دی. بونگه عامل زراعت نینگ زمانوی لشمه گن لیگی همده سونگی ییللر جریانیده یوزبیرگن قورغاقچلیک لر دیب کورسه تیله دی.