ملی اردو مسوولیت لرنینگ آلیشگه تیارگرلیک کورسه تدی

Image copyright Getty

افغانستان مدافعه وزیرلیگی، ینه بیر مرته افغان کوچلری، خوف سیزلیک مسوولیت لرنینگ خارجی لر دن آلیش گه تیار دیب ایتگن.

اوشبو وزیرلیک نینگ معلوم قیلیشیچه، 2014 نچی ییل دن کیین، افغانستان قوشنی مملکت لر اره لشیش لری نینگ آلدینی آلیش اوچون، آغیر قورال لرگه قول تاپیشی کیره ک .

افغان حکومتی اوچ ییل دن کیین، مملکت ایریم قیین چیلیک لر بیلن یوزمه یوز بولیش احتمالی بارلیگی دن سوز یوریتیب لیکن خوف سیز لیک کوچلر کون سه یون مذکور قیین چیلیک لرنینگ آلدینی آلیشی گه موفق بولیشی اوستیگه تاکید قیلماقده.

خوف سیزلیک مسوولیت لری نینگ ایککینچی مرحله سی عملی بولیشی جمهور رییس کرزی تمانیدن اعلام بولیشی کوتیلماقده.

اما قندهار ملت وکیل لری مذکور ولایت ده خوف سیزلیک مسوولیت لرنینگ افغان لرگه تاپشیریش توغری سیده قرشی لیک بیلدیردیلر.

قندهار ملت وکیل لریگه کوره، بو ولایت طالبان گروهی نینگ مرکزی بولیب، همده خوف سیزلیک کوچلری بو ولایت امنیتی نینگ تامین قیلیشیده قادر ایمس.

باشقه تماندن، تحلیل چیلر ایسه، طالبان گروهی، افغان کوچلری بیلن یوزمه یوز اوریشه آلمس لیگی اوستیگه تاکید قیلماقده لر.

اسدالله ولوالجی نینگ معلوم قیلیشیچه، اگرده افغان خوف سیزلیک کوچلری استخبارات بولیمی نینگ کوچلنتیرسه، طالبان گروهی هیچ نیرسه قیله آلمه یدیلر.

لیکن ولوالجی جنابلری، پاکستان، افغانستان ده اره لشیشی دن خواطر بیلدیردی.

حکومت رسمیلری گه کوره، حاضر افغانستان 170 مینگ ملی اردو سی بار، مذکور کوچلر 2014 نچی ییل گه چه 250 مینگ گه کوپه یشی اوستیده ایشلرنینگ جریانی بار.

شو نینگ دیک افغانستان و ناتو نینگ ریجه سی اساسیده، 2014 نچی ییل دن کیین هم، خلق ارا هم جمعیت مملکت لری، افغانستان نینگ تورلی ساحه لرده یاردم بیریشه دی.