قربان بیره می ده عصیانچی لیک حادثه یوز بیردی

Image copyright AP

افغانستان جمهور رییسی حامد کرزی بیر قطار کابینه اعضا لری و ملی کینگاش اعضالری بیلن جمهورلیک ریاستی سرایده قربان بیره می نی بوتون مسلمان لرگه تبریک له دی.

کرزی جنابلری، نماز کون لریده مخالف گروه لر تینچلیک جریانیده قوشیلیش لری نی طلب قیلرایدی. لیکن قربان بیره می ده طالبان دن هیچ قنده ی آت توتمه دی.

کرزی افغانستان همده پاکستان ده تینچلیک تأمین بولیشی اوچون دعا قیلدی.

قربان بیره می دن بیر کون آلدین طالبان گروهی نینگ رهبری ملا محمد عمر آتیدن هم بیر بیانات ترقه تیلدی.

طالبان رهبری ملامحمدعمرقربان هیاتی مناسبتی بیلن ترقه تگن پیامیده اسلامی قدریت لرنینگ نظرده توتیب، مذاکره گه باریش اوچون حرکت قیلشینی معلوم قیلگن.

بوایسه صلح اوچون فعالیت الیب باره یاتگن کینگاش اعضالرینی امید لنتیرگن.

بوندن آلدین عالی تینچلیک قوریلتای رهبری برهان الدین ربانی طالبان تمانیدن ترور ایتلگنی سببلی حکومت، اوشبوگروه بیلن مذاکره گه ایشانچی یوق لیگی ایلگری سوریلگن ایدی.

رمضان بیره میده کرزی جنابلری، 20 انتحارچی یاش باله نینگ آزاد ایتگن ایدی اما بونگه قره مس دن طالبان گروهی، عصیانچیلیک هجوم لری نینگ پایتخت کابل بیلن قوشیمچه مملکت بویلیب کینگه یتیردی.

عصیانچی لیک هجوم

هرچند افغانستان حکومتی خوف سیزلیک مسئله لری افغانستان نینگ کتته شهرلریده کوچه یتیریلگنی نی ایتگن ایدی لیکن بوگون ییرته لب، ساعت 9:30 ده بغلان ولایتی نینگ جرقشلاق منطقه سیده انتحاری هجوم یوز بیرگن. نتیجه ده 7 کیشی هلاک بولگن و 17 کیشی هم یره لنگن.

اولگن لر آره سیده، پولیس افسر لریدن قوماندان عبدل ناملی هم شامل بولگنی نی ایتیلگن.

ایچکی ایشلر وزیرلیگی نینگ معلوم قیلیشیچه، قشلاق ده گی اهالی بیره م نمازی نی اوقی گن دن کیین، بیر جنازه نمازی نی اوقی یاتگن بیر پیتده بیر خودکش هجومی اوزینی پارتله تگن. اما ینه بیر خودکش هجوم چی اوزینی پارتله ماقچی بولگن حالده پولیس کوچلری تمانیدن اولدیریلگن.

مذکور حادثه نی طالبان گروهی اویشتیریگنی نی رسمیلر تایید قیلگن. شو نینگ دیک طالبان گروهی هم مذکور هجوم نینگ یولگه قویگنی نی معلوم قیلیب، بیر پولیس قوماندانی بیلن قوشیمچه، ینه ایککی محلی قوماندان لر نی اولدیرگنی دن خبر بیرگن .

نیچه پیت دن بیری بغلان ولایتی ده طالبان عصیانچی لری فعالیت لری ینه کوچه یگنی ایتیلماقده.