بادغیس ده کی پارتلشده تینچ فقرا قربان بولگن

افغانستان غربیده جایلشگن بادغیس ولایتی نینگ قادس تومنیده یول چیککه سیده اورنه تیلگن ماین پارتلش نتیجه سیده کمیده اون بیر کیشی تینچ فقرا هلاک بولگن.

بادغیس مسوللریگه کوره هلاک بولگن لردن آلتی ته سی باله و ایککی ته سی عیال بولگن.

بادغیس ولایتی نینگ حاکمی دلبرخان آرمان گه کوره پلیس علاقه لی موتر ماین بیلن توقنه شگن لیکن اوشبو موترده عادی اهالی ایکن.

ارمان جنابلری هلاک بولگن لر نینگ پلیس کوچلریگه هیچ قندی علاقه سی یوق لیگینی ایتیب پلیس موتری قربان بولگن لرنی موترگه میندریب شهر یتکزماقچی ایکنینی معلوم قیلگن.

قربان بیره می نینگ بیرینچی کونیده بغلان ولایتی نینگ مسجدلریدن بیرینی یقینده انتحاری هجوم یوزبیریب یتتی کیشی هلاک و اون سککیز کیشی یره لنگندی.

اوشبو انتحاری هجوم دن مقصد عبدل ناملی محلی قوماندانلردن بیری ایکنی ایتلگندی.بوقوماندان هم اوشبو هجومده قربان بولدی.

شونینگ دیک بغلان ولایتیده باشقه بیر انتحاری هجوم یوزبیریب التی پلیس خادمنی یره لنتردی.

خوب شوندی هجوم لر یوز بیررایکن، طالبان رهبری ملامحمد عمر قربان بیره می مناسبتی بیلن ترقه تگن بیاناتیده بیرهم کونلریده طالبان عصیانچیلرینی زوروانلیک لرگه قول اورمسلیککه بویوروغ بیرگندی.