پارلمان گه هجوم قیله یاتگن اون عصیانچی توتیلدی

افغانستان خوف سیزلیک ریاستی، مملکت پارلمان قرشی سیده هجوم یولگه قوییلیشی نینگ آلدینی آلگنی دن خبر بیرگن. مذکور اداره گه کوره، پارلمان بناسیگه هجوم اویشتریه یاتگن اون کیشی عیب دار تانیلیب اوشله ب آلینگن. اوشله ب آلینگن لر نینگ تورت کیشی سی پاکستان یشاوچی سی بولگن. مذکور شخص لر کابل نینگ مکروریان و پلچرخی منطقه لریدن اوشله ب آلینگن لر. افغانستان خوف سیزلیک مقام لریگه کوره، پارلمان گه هجوم اویشتریش نیتیده بولگن اون کیشی لیک گروه، طالبان گروهی نینگ پاکستانده گی کویته کینگاشی تمانیدن رهبرلیک بولر ایکن. خوف سیزلیک اداره سی نینگ معلوم قیلیشی چه، مذکور اون کیشی نینگ نیچه ته سی، پلچرخی منطقه سیدن، کابل شهری ده کیرماقچی بوله یاتگن بیر پیتده اوشله ب آلینگن باشقه سی ایسه کابل شهری نینگ مکروریان منطقه سیدن توتیلیب آلینگن. مذکور اداره سوزچی سی لطف الله مشعل گه کوره، عصیانچی لر، قورال یراق لری نینگ، قرآن کریم صندوق لریگه جایلشتیریب، تورخم چیگره سیدن افغانستان توپراقیگه کیلتیرگن لر. مشعل جنابلری شونگه قوشیمچه قیلیب، اوشله ب آلینگن شخص لر، پاکستان ده عصیانچی لیک هجوم لرنینگ قنده ی یولگه قوییلیشی نی تعلیم کورگن لری نی اعتراف قیلگن لر دیب ایتدی. خوف سیزلیک کوچلری نینگ قولیگه توشگن شخص لر، اون بیش تا 30 یاشی گه بولگنلر. افغانستان خوف سیزلیک کوچلری ناتو کوچلری نینگ یاردمی بیلن، نیچه هفته دن بیری، عنعنوی لویه جرگه یخشی صورت ده یولگه قوییلیشی مقصدیده، کابل نینگ ایریم منطقه لریده، قتیغ امنیتی چاره تدبیرلر یولگه قویگن لر. خوف سیزلیک اداره سی نینگ مقام لری ، اوتگن نیچه کون دن بیری نیچه عصیان چیلیک فعالیت لرنینگ آلدینی آلیشی گه قادر بولگن لرینی هم ادعا قیلماقده لر