کرزی: امریکا بیلن استراتیژیک همکارلیک منفعتی میزگه

Image copyright Reuters

افغانستان جمهوررییسی حامدکرزی لویه جرگه نینگ آچلیش مراسمیده استراتیژیک همکارلیک علاقه لرده افغانستان منفعتی تامین لنسه، امریکا بو اولکه ده حربی تاسیسات ایجاد ایته آله دی دیب سوز یورتدی.

اما کرزی جنابلری بو اولکه توپراغیدن باشقه اولکه لرگه قرشی فایده له نیشگه هیچ کیم گه ایزین بیرمسلیگینی تاکیدله دی.

جمهوررییس کرزی لویه جرگه اشتراک چیلریگه امریکا بیلن استراتیژیک همکارلیک علاقه لرنی امضاله نیشی افغانستان منفعتی گه ایکنینی اورغولب، اوشبو پیمان امضالنگن حالده 2014 میلادی ییلدن کیین هم دنیاهم جمعیت اولکه لر افغانستان نینگ یککه قویمیدی دیب تاکیدله دی.

" ایککی مستقل اولکه "

جمهورریس کرزی اوز سوزلری دوامیده امریکا اوز منفعتی اوچون استراتیژیک همکارلیک علاقه لرنی امضا قیلیشینی مقصد قیلگنینی تاکیدلب ،اما افغانستان هم اوز منفعت لرنی نظرده توتیشی کیره ک لیگینی ایتدی.

"کیچکی تماندن حربی عملیات لرنی توخته تیش، اویلرنی خارجی لر تمانیدن تیکشریش همده حکومت اداره لری بیلن موازی قوریلگن اداره لرنی اورته دن ییلتیش امریکا بیلن اوزون مدت علاقه قوریش اوچون قویلگن شرط لر دیب." ایتدی افغانستان جمهوررییسی حامدکرزی.

عینی حالده کرزی جنابلری "بیز ملی حاکمیتی میزنی هرعنوان ده بولسه هم ایستی میز وشو پلله دن ایستیمیز دیب" ایککی مرته تکرارله دی.

شونینگدیک کرزی جنابلری ایککی اولکه رابطه لری اوزون مدت هربیر اولکه نی منفعتی تامین له نیشینی اورغوله دی.

شونگه علاوه جمهورریس کرزی هم بریتانیا، اروپا وهم ناتو بیلن استراتیژیک علاقه لر امضا قیلیشگه راضی ایکنینی ایتدی.

اما کرزی جنابلری امریکا بیلن معمامله فرقلی بولیشی ممکن لیگینی ایتدی " امریکا کوچ بیلن بوییرگه قاله دی . وحربی مرکزلردن فایده لنه دی بیزامریکا منفعت لریگه اوزی میزنینگ منفعت لری میزنی قیدره میز دیب." ایتدی کرزی جنابلری.

جرگه ده بحث بولیشی کوتیله یاتگن طالبان بیلن مصالحه قیلیش موضوع سی توغریسده کرزی جنابلری اچیق صحبت قیلمه دی لیکن بوخصوصده اشتراک چیلری مصلحت قیلیشی ضرور لیگینی ایتدی.