لویه جرگه مصلحت نامه سی نینگ کرزی گه تاپشرماقچی

Image copyright loyajirgaafghanistanpresidentkarzai

عنعنه وی لویه جرگه اشتراک چیلری امریکا بیلن استراتیژیک همکارلیک علاقه لر وطالبان بیلن مصالحه قیلیش توغریسده بیلدرگن فکرلرینی جمهوررییس کرزی گه تکلیف ایتماقچی.

عنعنه وی لویه جرگه نینگ کتابتچیسی محمد علم ایزید یار گه کوره 40 کمیته ده بحث بولگن فکر وملاحظه لر مشورت نامه عنوانیده یغیلیب کرزی گه تکلیف ایتله دی.

جرگه نینگ بیرینچی کمیته رییسی کنر ولایتی نینگ ولایت حاکمی فضل الله وحیدی، امریکا بیلن استراتیژیک همکارلیک پیمان نینگ امضاله نیشگه قرشی ایکنینی اورغولب بیراق، حاضرگی شرایط ده امریکا بیلن شوندی بیر پیمان نینگ امضاله نیشی لازم ایکن لیگینی ایتدی.

شونینگ دیک دیک وحیدی جنابلری پیمانده افغانستان منفعتی حربی، سیاسی و اقتصادی بولیم لرده انیق بولشینی تاکیدلب، خارجی کوچلر افغانستان امنیتی کوچلری نینگ جهازلش اوچون کوپراق اعتبار قره تیشی ضرور لیگینی ایتدی.

عینی حالده وحیدی جنابلری، عالی تینچلیک قوریلتای رهبری برهان الدین ربانی ترور ایتیلگنیدن سونگ صلح برنامه سینی کوچ سیزلیگندیب بو برنامه نی عملگه اشریش اوچون جدی سعی بولیشینی اورغوله دی.

جرگه تمانیدن کرزی گه تقدیم ایتیلشی کوتیله یاتگن مصلحت لر، اونینگ اوچون جوده اهمیت گه ایگه.

باشقه بیر کمیته نینگ رییسی هم امریکا وافغانستان اره سیده استراتیژیک همکارلیک پیمان نینگ امضاله نیشینی تاکیدلب اما، پیمان ده امضالنگن حالده افغانستان نینگ ملی حاکمیتی سوال استی کیتمه یشی ضرور لیگینی علاحیده تاکیدلب اوتدی.

بو گون جرگه نینگ آخرگی کونی اما حامدکرزی نینگ بوگون جرگه ده حصصه قوشیشی رسمی شکلده اعلان قیلینمه گن لیکن، کرزی نینگ جرگه سونگیده سوزیورتیشی ممکن لیگی ایتیله دی.