امریکا بیلن استراتیژیک پیمان امضاله نیشگه موافق فکربیلدریلدی

لویه جرگه اشتراک چیلری 76. بند دن عبارت بولگن بیرقطع نامه نینگ صادر ایتیب امریکا و افغانستان آرسیده استراتیژیک پیمان امضاله نیشدن حمایت بیلدرگن.

اوشبو قطع نامه ده استراتیژیک پیمان نینگ امضاله نیش گه ضرورت بارلیگی تاکیدله نیب. بیراق، اوشبو پیمان نینگ امضاله نیشی خصوصیده بیرقنچه شرایط هم ایلگری سوریلگن.

چیت ایللیک کوچلر تمانیدن یولگه قویلیب کیلینه یاتگن کیچکی عملیات لرنینگ توخته تیلیشی قطع نامه نینگ اساسی بند دن عبارت بولگن.

شونینگ دیک امریکا نینگ حربی تاسیاستی نی حد اندازه سی انیق بولیشی و بو تاسیسات نینگ افغانستان چیگره حدودلریده ایجاد ایتلیشی علاحیده تاکیدلنگن.

جرم و جنایت گه قول اوره دیگن خارجی کوچلر افغانستان محکمه لریده محاکمه بولیشی اورغولنیب ، پیمان نینگ تیز آره ده امضاله نیشی قید ایتیلدی.

عینی حالده امریکا لیک لرنی افغانستانده دایمی حضوریگه قرشی لیک بیلدریلیب، امریکا لیک لرنینگ قنچه مدت قالیشی انیق له نیشی هم قطع نامه ده کیرتیلگندی، همده افغانستان امنیتی کوچلری نینگ مشق تیارگرلیک لردن اوتکزیش و ایترلیچه جهازلنتریشگه جدی اعتبار قره تیلیشی هم تاکیدلنگن.

استراتیژیک پیمان

Image copyright Getty

قطع نامه ده افغانستان وامریکا آره سیده امضاله نیشی کوتیله یاتگن پیمان نینگ اجرای ضمانتی بولیب پارلمان تمانیدن تصدیق له نیشی اورغولنگن، همده امضالنگن پیمان بیرلشگن ملتلر تشکیلاتی ده ثبت بولیشی هم معلوم قیلینگن.

باشقه تماند قطع نامه ده امریکا لیکلر تمانیدن اداره بولیب کیلینه یاتگن قماق خانه لرده کی شخص لرنی افغان حکومتی گه تاپشریلشی ایتیلیب، امریکا لیک لر نینگ افغانستان توپراغیده قماق خانه سی بولمه یشی ایتیلگن.

امریکا افغانستان دن مدافعه قیلسین

اگرده افغانستانده اوچینچی بیر مملکت تمانیدن هجوم اوشتریلسه اوز زمان امریکا افغانستان دن حمایت کورسه تسین دیب اورغولنگن قطع نامه نینگ باشقه بیر بند لریدن بیریگه.

شونینگدیک ینگی استراتیژيک پیمان امضالنگن تقدیرده بوندن الدین بو ایککی دولت اره سیده امضالنگن هرقندی پیمان لر نینگ لغو بولیشی تاکیدلنگن ایلگری سوریلگن قطع نامه ده.

طالبان بیلن مذاکره آلیب باریش

مخالف قوراللی گروه لر بیلن مذاکره آلیب باریش خصوصیده هم ایریم شرایط ایلگری سوریلدی، جرگه اشتراک چیلری. طالبان بیلن مصالحه قیلیش مسله سی دوام تارتیشگه ضرورت بارلیگی تاکیدلب بیراق، ینگی یول یوروق لر کوریب چیقیلیشی تکلیف ایتیلدی.

قطع نامه ده یازلیشیچه، افغانستان انیق ادرس گه ایگه بولگن، اساسی قانون و اون ییل جریانیده قولگه کیرتیلگن یوتوق لرنی قبول قیله دیگن شخص لربیلن مذاکره الیب باریشی تاکیدلنگن.

افغانستان جمهوررییسی حامدکرزی لویه جرگه سونگیده سوزگه چقیب قطع نامه ده کیرتیلگن برچه موضوع لردن راضی لیک بیلدریب اونی خوش قرشی له دی.

همده ایلگری سوریلگن تکلیف لرنی عملی قیلشینی جرگه اشتراک چیلریگه سوز بیردی.