پاکستان بن انجمنی نینگ تحریم قیلدی

پاکستان دولتی، کیله جک هفته بولیب اوتیشی ریجه لنگن بن انجمنیده اشتراک ایتمس لیگینی اعلان قیلگن.

بو قرار پاکستان باش وزیری یوسف رضا گیلانی باشچلیغی بیلن اوتکزیلگن کابینه اعضا یغینده آلینگن.

ناتو نینگ هوای هجومیده 42 پاکستان لیک عسکر هلاک بولگنی باعث پاکستان بو قرارنی صادر ایتیب، عینی حالده امریکا بیلن بولگن هرقندی علاقه لرینی قیته کوریب چیقیشینی معلوم قیلگن.

آلمان نینگ بن شهریده بولیب اوتیشی کوتیله یاتگن انجمن سونگی نیچه ییل جریانیده اینگ مهم انجمن لردن بیری حسابله نه دی.

بوندن آلدین پاکستان دولتی اوشبو انجمن ده تشقی ایشلر وزیری نینگ یوباریشینی ایتگندی.

بن انجمنیده اون ییل جریانیده افغانستانده کیلگن اوزگریش لر باره سیده بحث بولیب ، 2014 میلادی ییل یعنی ناتو کوچلری نینگ چیقیب کیتشی بیلن افغانستان کیله جگی اوچون یول یوروق لر کوریب چیقله دی.

افغانستان نینگ خلق ارا اتفاق داشلری قوشیمچه بو اولکه قوشنی لری اینیقسه ایران وپاکستان نینگ اوشبو یغینده حصصه قوشیشلری انچه مهم ایکن لیگی ایتیله دی.

افغانستان تشقی ایشلر وزیرلیگی پاکستان نینگ منطقه ده اساسی رولی بارلیگینی اورغولب، سونگی پاکستان و امریکا اره سیده یوزه چیققن قرمه قرشی لیک لر پاکستان نینگ بو انجمنیده حصصه قوشیشی گه منفی تاثیر قویمسلیگیگه امید بیلدرگن.

دسامبر آی نینگ بیشینچیسیده بن انجمنی المان نینگ بن شهریده بولیب اوتیشی کوتیله دی.