کرزی: خلق ارا هم جمعیت مملکت لرافغانستان دن حمایت قیلیشی کیره ک

Image copyright BBC World Service

افغانستان جمهور رییسی حامد کرزی، بن انجمنی نینگ ایککینچی یغینیده، خلق ارا هم جمعیت مملکت لر یاردم لری 2014 نچی ییل دن کیین دوام تارتیشی نی ایسته گن.

بن انجمنی ده یولگه قوییلگن یغینده قریب بیر مینگ کیشی دنیا نینگ یوز مملکت لری و خلق ارا تشکیلات لردن حصه قوشگن لر.

کیله سی اوچ ییل گه قدر افغانستانده جایلشگن تشقی کوچلر، تدریجی شکلده مذکور مملکت دن چیقیب کیتیش لری توگه یشی معلوم بولگن. اما کرزی جنابلری نینگ معلوم قیلیشیچه، 2014 نچی ییل گه چه خلق ارا هم جمعیت مملکت لری نینگ یاردمیگه احتیاجی بار.

کرزی جنابلری بن انجمنی نینگ بیرینچی یغینیدن حاضر گه قدر افغانستان تورلی ساحه لرده اینیقسه، سوز ایرکین لیگی، ناراض لیک نمایش لر، و عیال لر حق و حقوق لری توغری سیده کتته یوتوق لرگه ایریشگنی نی معلوم قیلگن.

بیراق کرزی جنابلری حاضر هم افغانستان ده تورلی قیین چیلیک لر موجود لیگی نی بیان ایتدی. اونگه کوره، خوف سیزلیک مسئله لری مملکت ترقیاتی قرشی سیده تورگن اینگ اساسی معما لردن دیر. کرزی نینگ ایتیشیچه، القاعده ترماغی و باشقه عصیان چیلیک گروه لر جدی شکلده ضعیف بولگنلر.

کرزی گه کوره، عصیانچی لر افغانستاندن تشقریده گی پایگاه لریدن بو مملکت ده هجوم قیلیب، ناقرار لیک لرنی توغدیره دیلر.

عین دمیده کرزی جنابلری، خوف سیزلیک مسوولیت لر خارجی لر دن افغان لرگه تاپشیریلیشی اوستیده تاکید قیلیب، افغانستان قشونی تجهیز و کوچه یتیریلیشی نی هم خلق ارا هم جمعیت مملکت لردن ایسته دی.

شو نینگ دیک افغانستان جمهور رییسی، ینه بیر مرته، طالبان بیلن مذاکره قیلیشی اوستیده تاکید قیلیب، یولگه قوییلگن لویه جرگه فیصله لری اساسیده، مذکور گروه بیلن مذاکره لر یولگه قوییشی نی معلوم قیلدی.

اما او، اوشه طالب لر بیلن مذاکره قیلیشی نی معلوم قیلدی که افغانستان باش قانونی نینگ قبول قیلیب، القاعده ترماغی و باشقه عصیانچی گروه لر بیلن بولگن علاقه لرنینگ اورته دن ایلتگن بولسه لر.

شو نینگ دیک کرزی جنابلری، قیته قوریش طرح لر، ایش تاپیش، صنعت بولیم لرنینگ کوچه یتیریلیشی، همده اقتصادی ترقیات قولگه کیلیشی نی 2014 نچی ییل دن سونگ، مهم ایش لردن دیب کورسه تدی.