عاشورا مراسمیده یوزبیرگن هجوملر گه قرشی مناسبت لر

Image copyright AFP

سه شنبه کونی عاشورا مراسمیده، کابل، مزارشریف و قندهارده یوزبیرگن هجوملر افغان وتشقی مقاملرتمانیدن جدی قاره لندی.

افغانستان جمهورریسی حامدکرزی نینگ سه شنبه اقشام بن دن لندن گه سفرقیلیشی ریجه لنگندی، کرزی جنابلری اوشبو سفرینی بیکار قیلیب افغانستان گه قیتیب کیلگن.

کابل ده جایلشگن ابوالفضل، زیاتیده یوزبیرگن انتحاری هجوم ده کمیده 54 کیشی قربان بولیب 165 کیشی یره لندی.

کابل پلیس نینگ جنای بولیمی مسوولی ژنرال عبدالظاهر، انتحارچی شخص زیارت چیلر بیلن کابل جنوبی ( لوگر ولایتی ) دن کیلگن بولیشی ممکن لیگینی ایتگن.

مزارشریف ده یوزبیرگن پارتلشده تورت عزادار اولیب 20 نفر هم یره لندی. قندهارده یوزبیرگن پارتلشده بیش کیشی قربان بولگن.

"ترورییستی هجوم"

Image copyright BBC World Service

افغانستان جمهورریسی حامدکرزی عاشورا کونیده یوزبیرگن هجوملرنی قتیغ قاره لب چیقدی.او حادثه قربان لریگه غم شریک لیک بیلدریب، مذهبی بیرکونده بوکبی حادثه لرنی یوزبیریشی بیرینچی بار کوزه تیلگنینی ایتگن و بو هجوم نینگ تروریستی بیر هجوم دیب اورغوله گن.

بیرلشگن ملتلر تشکیلاتی نینگ افغانستانده کی وکالت خانه سی اوشبو هجوم نینگ قاره لب عاشورا کونیده عادی اهالینی نشانگه آلیش هیچ قندی دلیلی بولمه گنینی ایتگن.

شونینگ دیک بیرلشگن ملت لر تشکیلاتی تمانیدن ترقه تیلگن بیاناتده شوندی هجوملرنی ریجه لشترگن شخصلربیلن جدی یانداشلیشی تاکیدله گن.

ناتو کوچلری نینگ افغانستان ده کی عمومی قوماندانی ژنرال جان آلن هم یوزبیرگن هجوملرنی قاره له گن.تغیر امید ناملی سیاسی اتفاق هم یوزبیرگن هجوملرنی قاره لب هجوم سببچیلرنی افغانستان ملی بیردملیگینی دشمنلری دیب آته گن.

افغانستا ن ایچکی ایشلر وزیری بسم الله محمدی یوزبیرگن هجوم گه طالبان عصیانچیلری نینگ قولی بارلیگیگه عیبله گن.اما طالبان عصیانچیلری بیر بیانات ترقه تیب کابل ومزارشریف شهرلریده یوزبیرگن هجوملرینی قاره له گن.

اوشبو گروه نینگ سوزچیلردن بیری اوتگن کون یوزبیرگن هجوملرنی خارجی لرگه نسبت بیریب اولر بوکبی هجوملر طفیلی مذهبی قرمه قرشی لیک لرنی آلیب کیلیشی نتیده ایکنینی ادعاقیلگن.

اوزینی افراطی بیرگروه (جنگوی العالمی لشکری ) سوزچیسی دیب تانشرتگن بیرشخص بی بی سی نینگ پاکستانده کی خبرنگار لری بیلن علاقه قوریب اوشبو گروه کابلده یوزبیرگن انتحاری هجومنی عملگه آشرگنینی دیب ایتگن.

ژورنالیست لرگه کوره العالمی جنگوی لشکری کیچیک بیرگروه بولیب کوپراق پاکستان نینگ قبیله وی منطقه لریده فعالیت آلیب بارماقده. عینی حالده اوشبو گروه نینگ القاعده و پاکستانلیک طالبان عصیانچیلری بیلن یقین علاقه ده ایکن لیگی ایتیله دی.