پاکستان جمهوررییسی دوبیده گی شفاخانه ده معالجه آلماقده

Image copyright AFP

پاکستان جمهوررییسی آصف علی زرداری دوبیده گی شفاخانه ده یوره ک کسل لیگی بویچه دوالنماقده.

بوحقده معلوم قیلینگن جمهورریس مطبوعات کاتبی زرداری جنابلری استعفاگه چقیشی ممکن لیگی باره سیده گی خبرلرنی رد ایتگن.

جمهوررییسی سوزچیسی گه کوره زرداری جنابلری ریجه گه موافق طبی تیکشرودن اوتماقده.

اما، پاکستان مطبوعاتیده چیققن خبرلر اونینگ استعفاسی باره سیده گی خبرلرگپ سوزلرنی کوچیتریب یوبارگن.

مناظره لی سیاسی شخص بولگن زرداری جنابلری پاکستان خلق پرتیه سی 2008 ییل لیگی سیلاولرده غالب چیقیشی ارتیدن قدرت گه کیلگن.

پرتیه گه اول اونینگ رفیقه سی رهبرلیک قیلگن. بوهتو خانم 2007 ییل اولدریلگندی.

" جمهوررییس آصف علی زرداری طبی تیکشرولر اوچون ریجه گه موافق دوبیده گی شفاخانه ده ". دیب ایتگن اصف علی یاردمچی سی فرحت الله بابر اخبارت واسطه لریدن بیریگه گپیرگن.