امریکا مدافعه وزیری آلدین دن اعلان قلینمه گن سفر بیلن کابل گه کیلدی

Image copyright BBC World Service

امریکا مدافعه وزیری لیون پنتا، کابلده کی سفری جریانیده پاکستان دولتی نینگ همکاری سیزلیگی بیلن افغانستانده یوتوققه ایریشیش ناممکن دیب فکر بیلدرگن.

پنتا جنابلری الدین دن اعلان ایتیلمه گن بیر سفر بیلن سه شنبه کونی کابل گه کیلگن.

او افغانستان دولت مقاملری بیلن اوچره شیب، امریکا کوچلری افغانستاننی ترک ایتگن حالده هم اوز اولکه سی افغانستان نینگ یککه قویمسلیگیگه ایشانچ بیلدریشی کوتیله دی.

امریکا مدافعه وزیری افغانستان جمهورریسی حامدکرزی و مدافعه وزیری رحیم وردک لر بیلن اوچره شماقچی.

امریکا قوشمه ایلت لری نینگ یوقاری مرتبه لی مدافعه مقامی افغانستانده سفر قیلرایکن، امریکا نینگ پاکستان بیلن بولگن علاقه لری اوته ساوق لشگن.

امریکا نینگ هوای هجومده 24 پاکستان لیک عسکر قربان بولیشی بیلن بو ایککی اولکه اره سیده کی علاقه لرهم یمان لشدی.

پاکستان بونگه قرشی لیک بیلدریب ناتو نینگ تامینات یولینی یاپیب قویدی.

پاکستان بو هجوم نینگ قصدی بیله دی ، لیکن امریکا لیک حربیلری بو کبی ادعالرنی رد ایتیب، حادثه خصوصیده الیب باره یاتگن تحقیقات لرنی یقین آره ده اعلان ایتیشینی ایتماقده لر .

امریکا قوشمه ایلت لری نینگ مدافه وزیری گه کوره پاکستان کوپ منطقه لرده اوشبو اولکه بیلن همکارلیک قیلگن، اما پاکستان نینگ قبیله وی منطقه لریده یولگه قویلگن هوای عملیات لرسببلی ایککی دو لت اره سیده قرمه قرشی لیکلرنی آلیب کیلگن.

پنتانینگ ایتیشچه:" پاکستان و امریکا تروریزم باره سیده قوشمه خواطرلری بار".امریکامدافعه وزیری او بیلن بیرگه سفر قیلگن مخپرلرگه 2011 میلادی ییل دقت گه سزاوار بولگنینی اورغولب بوییلده افغانستان دن حمایت بیلدریش اوچون کوپ ایشلر بولگنینی ایتگن. عینی حالده او، 2011 میلادی ییلده امریکا کوچلری واتفاق داشلری زوروانلیک لرنی کمیتریش و مهم منطقه لرنی عصیانچیلر نظارتیدن چیقاریشگه قادیر بولگنینی ایتگن.