عظیمی:خوف سیزلیک مسوولیت لرتخنیکی معما بیلن یوزمه یوز بولگن ایدی

Image copyright Getty

افغانستان مدافعه وزیرلیگی ایککینچی مرحله ده اعلام بولگن خوف سیزلیک مسوولیت لرنینگ آلیشگه مملکت قشون تیار ایکن لیگی نی معلوم قیلماقده. خوف سیزلیک مسوولیت لری نینگ ایکینچی مرحله سیده، وقفه کیلگنی دن مردم خواطرگه توشگنی آرتیدن، مدافعه وزیرلیگی، تخنیکی آب و هوا معما لر باعث مذکور وقفه وجود گه کیلگن لیگینی ایتگن. اما حربی تحلیل چیلر، خوف سیزلیک مسوولیت لرنینگ افغان کوچلری آلیشی اوچون یخشی ریجه لر توزیلمه گنی باعث، بو جریان وقفه لر بیلن یوزمه یوز بولیشی نی ادعا قیله دیلر. حربی ایش بیلرمان لردن، امان الله امان نینگ معلوم قیلیشیچه، حکومت، سیاسی مخالف لری همده مردم بیلن مصلحت قیلمه گنی باعث، مملکت نینگ بیر قنچه منطقه لری خوف سیزلیک مسوولیت لرنینگ آلیشی بیلن هم تاتینچ قالگن. "بو تخنیکی معما لر نیمه معنی سی بار، قیش کیلگن می؟ یول لر باغلنگن می؟ یوق! حاضر بومسله لر اوزاق، تخنیک معما سی بوکه بولر نینگ ایش لری قیینچیلیک بیلن دوچ کیلگن." شو نینگ دیک، ینه باشقه حربی ایش بیلرمان لردن جنرال هادی خالد گه کوره، خوف سیزلیک مسئله لری توغری سیده حکومت تمانیدن یخشی شکلده تیکشیریش ایشلری یولگه قوییلمه گنی همده حربی مسوولیت لرنینگ افغان لرگه تاپشیریش ریجه سی بیلن سیاسی یانداشیشی باعث، بو ریجه یخشی نتیجه بیرمس لیگی نی ایته دی. شونده ی بیرحالده، مملکت محلی خوف سیزلیک مقام لری ایسه، منطقه لریده خوف سیزلیک مسوولیت لرنینگ آلیشی بیلن هم، حربی وضعیت یخشی تمانگه آودریلگنی نی ایته دیلر. هلمند ولایتی حاکمی نینگ سوزچیسی داود احمدی بونده ی ایضاح له یدی: "بیزنینگ کوچلری میز، کوچلی بیر مورال بیلن تیار دیلر، حربی کمچیلیک لری هم آهسته سیکن و کیتمه کیت، پوره بولماقده. بو کم چیلیک لر، خوف سیزلیک مسوولیت لر عملی بولیشی نینگ آلدینی آله آلمه یدی." هلمند ولایتی نینگ، نادعلی، ناوه، و مارجه اولوسوالیک لری هم خوف سیزلیک مسوولیت لرنینگ ایکینچی مرحله سیگه قرار تاپگن لر. شونینگ دیک، پروان ولایتی نینگ یشاوچی لری هم ایکنچی مرحله ده گی خوف سیزلیک مسوولیت لرنینگ افغان کوچلری آلیشی دن راضی ایکن لیک لری نی ایتماقده لر. باشقه تماندن، مذکور ولایتده فعالیت قیله یاتگن قیته قوریش کوچلری ایسه، اوزون مدتلی پروژه لرنینگ افغان لرگه تاپشیریشی نی ایتگن لر. خوف سیزلیک مسوولیت لرنینگ افغان لرگه تاپشیریش ایکینچی ریجه سی قریب اوچ هفته آلدین عملی بولیشی باشلندی. مذکور مرحله ده، تخار، بلخ، سمنگان، دایکندی و نیمروز ولایت لری شو نینگ دیک، غزنی، میدان شهر، جلال آباد چغچران، شبرغان و فیض آباد شهر لری نینگ خوف سیزلیک مسوولیت لری افغان کوچلری گه تاپشیریلیشی معلوم بولگن. اما بیرینچی مرحله جاری ییل نینگ جولای آییده عملی بولیب، مملکت نینگ 7 منطقه سی جمله دن، هرات، هلمند، لغمان وبلخ ولایت لری نینگ مرکز لری، همده بامیان و پنجشیر ولایت لری مذکور ریجه گه کیرگن ایدیلر. اوشبو ریجه 2014 نچی ییل گه قدر توگه یشی بیلگی لنگن.