افغانستان: مذاکره آلیب باریش اوچون میزبان نینگ بیز انیق لی میز

Image copyright Getty
Image caption افغانستان دولتی ترکیه یاده سعودی عربستان نینگ طالبان بیلن مذاکره قیلیش اوچون میزبان لیک قیلیشینی ایستیدی

افغانستان حکومتی اسلامی اولکه لردن بیریگه طالبان بیلن مذاکره قیلیشینی اعلان قیلیب، اما قیسی اولکه وقندی مذاکره بولیشینی افغان حکومتی تمانیدن انیق له نیشینی ایتگن.

افغان حکومتی ترکیه و سعودی عربستان نینگ مذاکره اوچون میزبان بولیشگه علاقه مند.

عینی حالده افغانستان تشقی ایشلر وزیری ، زلمی رسول طلبان عصیانچیلری بیلن مذاکره قیلیش اوچون قطر ده سیاسی دفتر آچلیشی اوچون مناسبت بیلدریب بوخصوصده بولگن سعی حرکت لرگه افغان حکومتی دخیل بولمه سه صلح جریانی گه آشکار اره له شیش دیه توصیف له گن.

افغانستان عالی تینچلیک قوریلتای نینگ باشلیغی برهان الدین ربانی ترور ایتیلگنی طالبان بیلن مذاکره آلیب باریش برنامه سیگه خلل یتکزدی. ایندی لیکده صلح اوچون بولگن سعی حرکت لرنی قیته دن باشله نیشی خصوصیده گپ سوزلر جدی لشگن.

طالبان اوچون قطر ده سیاسی دفتر آچیلیشی باره سیده خبرلر یوزه چیقیشی بیلن مذاکره موضوع سی هم جان آلدی.

قطر باش وزیری طالبان عصیانچیلری باره سیده سوز یورتیب اوشبو گروه نینگ افغانستان بحرانینی حل اوچون حصصه قوشیشنی تاکیدله گن.

شوندی ایکن کورنیشچه افغانستان دولتی بجریلگن بیر عمل بیلن یوزمه یوز کیلگنی سببلی مناسبت بیلدریب طالبان بیلن مذاکره مسله سینی اسلامی بیراولکه ده دوام ایتریشینی اچیق له گن. اما میزبان بیراولکه نی افغان حکومتی تمانیدن تعین ایتلیشی علاحیده تاکیدلنگن.

افغانستان تشقی ایشلر وزیری زلمی رسول، کابل ده اوتکزگن مطبوعات انجمنیده افغانستان دن تشقری قوراللی گروه لربیلن مذاکره قیلیش مسله سینی کوریب چیقله یاتگنینی اورغوله دی.

اونگه کوره شوباعث افغانستان نینگ قطر ده کی ایلچیسی کابل گه چقریلگن. بیراق ایریم کوزه توچیلر افغانستان نینگ قطرده کی ایلچیسینی کابل ده چقریلشینی بیر اعتراض دیه فکربیلدرماقده لر.

اولرگه کوره، طالبان گه قطر ده سیاسی دفتر آچیب بیریش اوچون افغان حکومتی ایترلیچه جریان گه قویلمه گن.

افغان مقاملرینی ایتیشلریچه اسلامی اولکه لردن بیری بیلن مذاکره آلیب باریش اوچون قولی لیک لر یره تیلیشی باره سیده صحبت الیب باریله دی. اولرگه کوره بو طالبان عصیانچیلریگه سیاسی دفتر آچیب بیریش معنی سیده ایمس.