عظیمی: اردوکوچلری کیله جکده خوف سیزلیکنی تامین قیله آله دی

Image copyright AP

افغانستان مدافعه وزیرلیگی ملی اردو کوچلری سانی ریجه لنگن وقتیدن آلدین 195 مینگه یتیشیشی ممکن لیگنیی ایتگن.همده کیله جکده ملی اردو کوچلری سانینی ینه هم کوپه یشدن خبربیرگن.

عینی حالده مدافعه وزیرلیک رسمیلری 2014 میلادی ییلگه قدر ملی اردو کوچلری سانی 240 مینگه ایتیشگن حالده افغانستان ایچکی وتشقی امنیتی اوشبو کوچلر تمانیدن تامین ایتلیشگه ایشانچ بیلدرگن.

شوندی بولسه هم ملی اردو کوچلر نینگ ایریم بولیم لری حاضرهم یخشی جهازلنمه گن.

افغانستان خوف سیزلیک مسوولیت لری 2014 میلادی ییلگه بوتونلی افغان کوچلری ضیمه سیگه توشیشی ایتیلرایکن مدافعه وزیرلیک رسمیلری ملی اردوی سانینی کوپیتریش اوچون سعی حرکت لر جدی بیرشکلده یولگه قویلیب کیلینه یاگنینی ایتماقده.

اوشبو وزیرلیک رسمیلریگه کوره حاضرگه قره گنده ملی اردوی کوچلر سانی 180 مینگه یتیشگن.

عینی حالده مدافعه وزیرلیگی وضعیت حاضرگی دیک دوام تارتسه کیله جک بیش آی جریانیده ملی اردوی کوچلری سانی 195 مینگه کوتاریلشدن خبربیردی.

حال بوکی افغان حکومتی کیله جک میلادی ییل نینگ اکتوبر آی گه چه ملی اردوی کوچلری سانینی 180 مینگه یتکزیش اوچون دنیاهم جمعیت مملکت لری بیلن کیلیشگن.

افغانستان مدافعه وزیرلیگی نینگ سوزچیسی محمد ظاهر عظیمی ملی کوچلری سانی 240 مینگه ایتشگن حالده اوشبو کوچلر مستقلانه خوف سیزلیکنی تامین قیلیشگه قادیر ایکنی گه ایشانچ بیلدردی: "بیزنینگ تصوری میزشو کی اگر 240 مینگ اردو میز بولسه دنیاهم جمعیت مملکت لری نینگ اقتصادی همکارلیگی اساسیده ایچکی وتشقی خوف سیزلیگی میزنی مستقلانه تامین قیلیشگه قادیر بوله دی. شوندی بیروضعیتده ایتشیش اوچون جدی سعی قیله میز. "..

شونینگ دیک عظیمی جنابلری ملی اردوی کوچلری وباشقه کوچلر سانی کوپیشی بیلن عصیانچیلر فعالیتی اوتگن ییلگه قره گنده 26 فایز کمیگنینی ایته دی.

اما ایش بیلرمان کیشی لر ملی اردوی کوچلری صفتی یخشی بولمه گنینی قتیغ قاره لب کیلماقده لر.اولرگه کوره ملی اردوی نینگ ایریم بولیم لری مثال کبی هوای بولیمی یخشی جهازلنمه گنینی ایته دی

همده 2014 میلادی ییلدن کیین بو کوچلر جدی قینچلیک لر بیلن دوچ کیلیشی ممکن لیگیدن خواطر بیلدره دی.

باشقه تماندن ملی اردو صف دن عسکرلرنی قاچیش حاللری کوپیگنی خبر قیلینماقده، بیراق مدافعه وزیرلیگی سوزچیسی بوکبی خبرلرنی رد ایتیب جاری آیده ترخیص بولگن یاده دایمی غیابتی بولگن و قربان بولگن عسکرلر منفک بولگنینی ایتدی اونگه کوره بولر فقط ملی اردو عسکرلری نینگ ایککی فایزینی تشکیل بیره دی.