بریتانیا باش وزیری نینگ افغانستانده گی سفری

Image copyright PA

انگلستان باش وزیری دیوید کامرون آلدین دن اعلام بولمه گن بیر سفرده افغانستانگه کیلیب، مملکت ده جایلشگن بریتانیالیک عسکر لر بیلن اوچره شگن.

کامرون جنابلری، هلمنده گی بریتانیا حربی قرار گاهی ده بارماقچی ایکن لیکن هوا یمان بولگنی باعث، قندهار ده توشیب قالگن.

بریتانیا باش وزیری، افغانستان جمهور رییسی حامد کرزی بیلن هم تیلفون آرقه لی صحبت قیلیب، مذکور مملکت افغانستان خوف سیزلیگی و ترقیاتی دن آرقه داش لیگی نی هم بیلدیرگن.

جمهور لیک ریاستی سرایی تمانیدن ترقه تیلگن بیانات گه کوره، هر ایکله مملکت باشلیغ لری، هلمند و قندهار ولایت لریده خوف سیزلیک وضعیتی یخشی بولگنی نی ایتگن لر.

بیاناتده کیلیشیچه، دیوید کامرون، افغانستان حکومتی تمانیدن ینه مخالف گروه لر بیلن مذاکره قیلیش جریانی دن آرقه داشلیک بیلدیرگن.

کامرون جنابلری قندهار ده گی ژورنالیست لر بیلن بولگن صحبتیده، 2014 نچی ییلگه قدر بو اولکه حربی لری بوتون لی افغانستان دن چیقیب کیتیشی نی اورغوله گن.

کامرون جنابلری، بریتانیا حربی لری نینگ 500 کیشی سی نی کیله سی ییلده افغانستان چیقریلیشی ریجه لنگنی نی هم معلوم قیلگن.

بریتانیا افغانستانده توقیز مینگ دن کوپراق حربی سی بار. مذکور کوچلر نینگ کوپ قسمی هلمند ولایتی ده جایلشتیریلگن.

حاضر گه قدر مذکور اولکه نینگ 400 یوز عسکری افغانستان اوریش لریده هلاک بولگن.

کامرون جنابلری، بریتانیالیک حربی لرنی افغانستان دن چیقریش سوزینی شونده ی بیر حالده بیان قیلگن که، ایککی کون ایلگری مذکور مملکت مدافعه وزیری، امریکا کوچلری افغانستاندن چیقمس لیگیگهچه، بریتانیا عسکر لری نی بو مملکت دن چیقرمه یدی دیب ایتگن ایدی.