ایچکی ایشلر وزیرلیگی: سی آی پی تشکیلات فعالیتی توخته تیلدی

Image copyright Reuters

افغانستان حکومتی ناتو پروژه لری ومهم تاسیسات لرینی محافظت قیلیب کیله یاتگن سی آی پی ناملی شکیلات کوچلر فعالیتینی توخته تیلیشگه قرار چیقاردی.

اوشبو تشکیلات ناتو کوچلریگه علاقه دار تاسیسات وپروژه لرنی محافظت قیلیش مقصدی بیلن ناتو کوچلری تمانیدن ایجاد ایتلگن ایکن ناتوکوچلری اوشبو تشکیلات نینگ قچان وقنچه سانده ایجاد ایتگنی حاضرگه قدر هم بیللی ایمس. شونینگ افغانستان ایچکی ایشلر وزیرلیگی بو کوچلرنین ایجاد ایتیش اوچون هیچ قندی جریانگه قویلمه گنینی ایتماقده.

افغانستان ایچکی ایشلر وزیری بسم الله محمدی شمالی بلخ، فاریاب ، جوزجان ، سرپل، لغمان کبی ولایت لرده سفر قیلیب مردم بیلن اوچره شگنده شوندی بیر تشکیلات نینگ موجود لیگیدن آگاه بولگن.

همده منطقه یشاوچیلری اوشبو کوچلرنینگ غیر مسوول قوراللی کیش لر تمانیدن تشکیل ایتلگنی خصوصیده شکایت بیلدرگن.

ایچکی ایشلر وزیرلیگی نینگ سوزچیسی صدیق صدیقی گه کوره اوشبو تشکیلات غیر مسوول شخصلردن ایجاد ایتلیب، اولرگه کونده لیک ایشلری مقابلیده پول بیری لرایکن.

عینی حالده صدیقی جنابلری اولرنینگ قورال وکوچلریدن ناتو تاسیساتی وایریم پروژه لرینی محافظت قیلیش اوچون فایده له نیب کیلینگنینی ایتیب بوحقده شوندی دیدی "ایریم پروزه لرنی محافظت ایتیش خلق ارا کوچلر تمانیدن سی آی پی ناملی بعضی بیرگروه لر ایجاد ایتیلگندی، ایچکی ایشلر وزیرلیگی بو گروپ لرفعالیتی توخته تیلیشگه قرار آلدی، خوف سیزلیکنی تامین لش فقط محلی و ملی پلیس ضیمه سیگه دیر، اوزباشیمچه لیک قانون چوکاتیده فعالیتی رخصت بیریلمه گن بیر کوچ نینگ غیر مسولانه عمل قیلیشدن مردم هم جدی خواطرده ایدی."

افغانستان ایچکی ایشلر وزیرلیگی بوموضوع نی انیق تیکشرگنیدن کین، ناتو کوچلری نینگ عمومی قوماندانی بیلن اورته گه قویب، اوشبو تشکیلات فعالیتی نی توخته تیلیشینی ناتو عمومی قوماندانیدن سوره گن.

ایچکی ایشلروزیرلیگی نینگ سوزچیسی صدیق صدیقی ناتو کوچلری محلی محافظت تاسیسات تشکیلاتی فعالیتی نی توخته تیشگه موافقت بیلدرگنینی ایتدی.

شونینگ دیک ایچکی ایشلر وزیرلیک رسمیلری بو کوچلراختیاریده بولگن قورال اسلحه نی ایچکی ایشلر وزیرلیگی تمانیدن یغیب آلنیشینی معلوم قیلدی.

بوندن الدین ناتو کوچلری نینگ مهم تاسیسات و پروژه لری خوف سیزلیگی نی تامین لش افغان وخارجی شرکت لر ضیمه سیگه ایدی. اما افغان حکومتی اوتگن ییل بوتون خصوصی امنیتی شرکت لر فعالیتینی توخته تیلیشگه بویوروغ صادیر ایتیب بو کوچلر مسوولیتی افغان امنتی کوچلریگه تاپشریلگنینی معلوم قیلگندی.

هرچند ناتو کوچلری حکومتی نینگ بو قرارنی قیته کوریب چیقیلیشینی تکلیف ایتدی .بیراق افغان حکومتی 2012 میلادی ییل نینگ مارچ ای گه چه خصوصی امنیتی شرکت لرفعالیتی توخته تییشینی ینه بیر بار تاکیدله دی.

افغان حکومتی بو کوچلرنینگ خوف سیزلیکنی بوزیش و عادی اهالینی نشانگه الیش حادثه لریگه عیبلب کیلماقد.