فاریاب ولایتی ایریم حدود دن طالبان تهدید لری بیلن یوزمه یوز بولگن

فاریاب نینگ اندخوی اولوسوالیگی دن میمنه تمانیده چیقیشی بیلن هیداوچی لر همده یولاوچی لر، قورقو گه توشه دیلر. سببی، اوتگن ایکی ییل جریانیده، خود شو بولگه ده اونلب موتر طالبان گروهی تمانیدن هجوم گه توتیلگن.

هرچند فاریاب ملازم لری، مذکور ولایت خوف سیزلیک وضعیتی اوتگن ییل دن کوره انچه یخشی بولگنی نی ادعا قیله دیلر بیراق، مذکور ولایت یشاوچی لری، طالبان گروهی نینگ فعالیتی کوپه یگنی دن سوز یوریتماقده لر.

معلومات لرگه کوره، سونگی پیت لرده فاریاب نینگ، غورماچ، المار، دولت آباد، لولاش و پشتون کوت تومن لریده، طالبان نینگ دولت گه قرشی فعالیت لری کوزه تیلماقده.

فاریاب لیک لرگه کوره، مذکور گروه، یول لرگه چیقیب اوتیب قیته یاتگن موتر لرنی تیکشیریب، دولت گه ایشله یاتگن انسان لرنی بیرگه لری بیلن نامعلوم ییرلرده ایلته دیلر.

میمنه قیصار دن قتنه یاتگن هیداوچی لردن خلیفه واسع نینگ معلوم قیلیشیچه، طالبان گروهی بیر امنیتی پوسته ده هجوم اوییشتیرگن پیتیده، مذکور پوسته نینگ یقینیده جایلشگن باشقه خوف سیزلیک کوچلر ایریم دلیل لر سببلی یاردم بیریشمه یدی.

باشقه تماندن فاریاب نینگ اولوسی جرگه ده گی وکیل لریدن فتح الله قیصاری گه کوره، خارجی کوچلر طالبان گه قرشی کیچه تمانده گی حربی عملیات لری نینگ توخته تگنی دن بیری طالبان گروهی قیته دن کوچله نیب مذکور ولایتنی نا تینچ قیلماقده لر .

فاریاب حاکمی عبدالحق شفق مذکور ولایت خوف سیزلیگی اوتگن ییل دن کوره یخشی بولگنی یانیده، طالبان فعالیت لری نینگ توخته تیش اوچون بو ولایت بیر قنچه حدود لری ده محلی پولیس کوچلری تشکیل ایتیلگنینی معلوم قیلیسه ده بیراق، مردم ایسه محلی پولیس کوچلر اوزلری خوف سیزلیک نینگ یمانلشگه قول لری باردیب ادعا قیله دیلر.

بو حالتده قرگنده، فاریاب تینچلیک کینگاشی نینگ باشلیغی مولوی اسدالله جمالی نینگ معلوم قیلیشیچه، تینچ لیک عالی کینگاشی فاریاب ولایتی ده فعالیتی باشله گنی دن بیری 150 قوراللی طالب لر تینچ لیک جریانیگه قوشیلگن لر. جمالی جنابلری مذکور قوراللی طالب لر دولت گه تسلیم بولگن لری فاریاب خوف سیزلیک وضعیتی یخشی بولیشیده انچه تأثیر قویگن دیب ایتدی.

اما او نینگ معلوم قیلیشیچه، طالبان گروهی حاضر هم فاریاب نینگ ایریم حدود لریده فعال بولیب، خارجی لرتمانیدن حمایت بولماقده.

مردم گه کوره،خوف سیزلیک کوچلر فاریاب ولایتی نینگ ایریم حدود لریده نیچه مرته حربی عملیات یولگه قویگن لیکن اوشبو عملیات لر یخشی نتیجه قولگه کیلتیرمه گن. اولر نینگ معلوم قیلیشلریچه، حاضر اگربیر کیشی میمنه دن بیش کیلومتراوزاقگه سفر قیلردیک بولسه خوف سیزلیک نقطه نظریدن انچه خطرلر بیلن یوزمه یوز بولیشی ممکن.

اوتگن نیچه ییل دن بیری فاریاب ولایتی، تینچ ولایت لر قطاریده حسابلنیب کیلگن ایدی اما سونگی پیت لرده دولت مخالف گروه لری اینیقسه طالبان گروهی مذکور ولایت نینگ ایریم حدود لریده فعالیت لری کوچه یگن.