"افغان دولتی نینگ اشتراک سیزلیگی بیلن مذاکره نتیجه بیرمیدی"

Image copyright AP

افغانستان ریاست جمهورلیک سرای سوزچیسی ایمل فیضی بی بی سی بیلن بولگن مخصوص صحبتیده افغان حکومتی نینگ اشتراک سیزلیگی بیلن طالبان بیلن مذاکره آلیب باریش نیتجه بیرمسلگینی ایتدی.

طالبان بیلن مذاکره آلیب باریش اوچون اوشبو گروه گه قطرده سیاسی دفتر اچیلیشی قیزیق بحث لرگه ایله نرایکن افغانستان حکومتی هلی هم مذاکره اوچون بولگن قراری گه هیچ قندی اوزگریش کیلمه گنینی ایتماقده.

حکومت طالبان اوچون سیاسی بیر دفتر اسلامی بیر اولکه ده اچیلیشی گه موافق، لیکن مذاکره اوچون شوپیت گه قدر الیب باریلگن سعی حرکت لردن اونچه لیک راضی ایمس لیگنی ایته دی، چونکی رسمیلرنی ایتیش لریچه بو حرکت لر خصوصیده افغان حکومتی تولیق جریانگه قویلمی یککه امریکا وطالبان اره سیده بولیب اوتگن.

افغانستان ریاست جمهورلیک سرای نینگ سوزچیسی ایمل فیضی، بی بی سی بیلن بولگن مخصوص صحبتیده مذاکره مسله لریگه افغان حکومتی قوشیلمه سه بوکبی حرکت لر نیتجه بیرمسلیگینی ایتدی:"صلح پروسه سینی الغه سوریش اوچون هرقندی مذاکره مسله سی هر اولکه ده هم بولسه افغان حکومتی تمانیدن رهبرلیک ایتلیشی کیره ک. چونکی دولت نینگ مذاکره اوچون اصلی وکیلی عالی تینچلیک قوریلتای دیر، اگر ده مذاکره مسله سی افغان لر کنترولیده بولمه سه، بونگه جدی قرشی میز شوندی بیرحالده مذاکره اوچون بولگن سعی حرکت لر هم ایجابی نتیچه گه ایرشمیدی.

اما طالبان گروهی ترقه تگن بیاناتیده قطرده سیاسی دفتر اچیلیشیدن حمایت بیلدریب مذاکره تمانی فقط وفقط امریکا قوشمه ایالت لری بولیشینی تاکیدله دی.

هرچند اوتمیش لرده امریکا قوشمه ایالت لری طالبان بیلن مذاکره افغانی بیر پروسه بولگن دیب بو جریان نینگ افغان لر تمانیدن باشقه ریلشینی تاکیدله گندی ، بیراق قطرده طالبان اوچون سیاسی دفتر اچیلیشی خصوصیده افغان حکومتی تولیق جریانگه قویلمه گنینی اورغولب، شوندی حرکت لرگه قر شی لیک بیلدردی. همده مذاکره بولیشی اوچون اون بیر بنددن عبارت بولگن بیر تکلیف نامه صادر ایتدی، مذاکره دن الدین، اتش کسین بولیشی، مذاکره افغان حکومتی تمانیدن باشقه ریلیشی همده اساسی قانون گه حرمت قویلیشی اوشبو تکلیف نامه نینگ اساسی بندلریدن عبارت ایدی.