افغان مقام لریگه کوره میانشین تومنی طالبلر نظارتیدن چیقاریلگن

Image copyright BBC World Service

افغان امنیتی کوچلری بیش ییل دن سونگ قندهارولایتی نینگ میانشین ولسواللیگی نی طالبان نظارتی دن چیقاریشگه موفق بولگن.

میان شین ولسواللیکی پاکستان بیلن چیگره داش بولیب، طالبان تمانیدن نظارت بولرایدی.

افغان محلی مقاملری گه کوره یولگه قویلگن نیچه کونلیک حربی عملیات نتیجه سیده اوشبو تومن طالبان نظارتیدن چیقاریلگن.

قندهارولایتی نینگ ولایت حاکمی تورلی ویسا میانشین ولسواللیگی ده دولتی اداره لر قیته دن احیا بولگنینی اورغولب، اوشبو تومن اوچون پلیس باشلیغی وحاکم تعین ایتیلگنیدن خبربیرگن.

ویسا جنابلری مخبرلربیلن بولگن صحبتی جریانیده، بیش ییل دن بیری طالبان عصیانچیلری بیلن همکارلیک قیلیب کیلگن شخصلرنی اوشبو ولسوالیک ده قیتیشی طلب قیلیب دولت بیلن همکارلیک قلیشیگه چقرگن.

قندهار ولایت رسمیلری هیچ قندی تلفات یوزبیرمسدن اوشبو تومن طالبان دن تازه لنگنینی اورغولب بیراق یول چیککه سیده اورنه تیلگن ماین پارتلش نتیجه سیده فقط بیر پلیس قربان بولگنینی ایتگن لر.

میانشین تومنی نینگ کوپ حدودی پاکستان بیلن چیگره داش بولگنی اوچون جنوبی منطقه لرده کی مهم حدود حساب له نه دی. شونینگ دیک بو تومن زابل و ارزگان ولایت لری بیلن هم چیگره داش بولگن.

رسمیلرنی ایتیش لریچه پاکستان بیلن چیگره داش بولگن تومنلر نینگ مهم لیگی شو کی طالبان عصیانچیلری نینگ اوتیب قیتیشی اوچون اولرگه یخشی زمینه یره تیله دی.

اولرگه کوره میانشین تومنی طالبان حاکمیتی گه بولگن پیتی اوشبو گروه آسان لیک بیلن حربی فعالیت لری اوچون چیگره اوتمانیدن یعنی پاکستان حدودلریدن یاردم آلیشی گه قادر ایکن.