جوزجانده تورت قوراللی طالب هلاک بولگن

Image copyright taliban

جوزجان ولایتی نینگ قوش تپه اولسواللیگی ده آیساف کوچلری تامانیدن یولگه قوییلگن هوایی هجوم نتیجه سیده ایککی قوماندانی داخل تورت قوراللی طالب عصیانچی هلاک بولگن.

جوزجان ولایتی خوفسیزلیک اداره سی نینگ مسوللریدن بیری نینگ ایتیشیچه؛ آیساف هوایی هجوملریده کیچه- کیچ قورون مولوی قادر و مولوی مجید ایککی طرفدارلری بیلن بیرگه هلاک بولگنلر.

مسول نینگ ایتیشیگه قره گنده؛ دشت لیلی اهالیسیدن بولگن مولوی قادر، انیق پاکستان نینگ جاسوسلیک خذمتلری تشکیلاتی (آی اس آی) تامانیدن فرمان آلیب و بوزغینچیلیک فعالیتلرگه کتته حصه قوشیب کیله دیگن طالبان نینگ ایلغار باشلیغلریدن بیری ایدی.

محلی رسمی لر بی بی سی گه شونده ی دیگن: ناتو کوچلری نینگ هوایی هجوملری مذکور اولوسواللیک نینگ 50 کیلومتر اوزاق لیگیده قرار تاپگن، دشت لیلی منطقه سی ده یوز بیرگن. شونینگ دیک تینچ اهالیگه ضرر ییتمه گنلیگینی ایتماقده لر.

افغانستان شمالیده قرارتاپگن جوزجان ولایتی جاری ییل مابینیده تینچ بولیب کیلگن لیگی ایتیلماقده، لیکن اوشبو ولایتگه تیگیشلی ایریم تومنلرده حاضر هم طالبان گروهی گه خیرخواه شخص لرنی موجود لیگی اهالی همده دولت مسئوللری نینگ خواطرلریگه سبب بولیب کیلماقده.