قرقین تومنی آمودریا تهدید بیلن دوچ کیلگن

Image caption رسمیلرگه کوره حاضرگه چه قرق عاییله اوز اوی جایلرینی ترک ایتیشیگه مجبوربولگن

ترکمنستان بیلن چیگره داش جوزجان ولایتی نینگ قرقین تومنی امو دریا تهدیدی آستیده قالیب، سونگی ایککی هفته ده قرق دن ارتیق اوی سو آستیده قالیب. اونلب عاییله لر اصلی منطقه لرینی ترک ایتیشی گه مجبور بولگن.

اوی جاینی قولدن بیرگن اهالیگه کوره اولرنینگ ایریم لری تانیش لری اویده بولسه ده لیکن بیرقنچه سی قیند بیر احوالده میدانلرده حیات اوتکزیب کیلماقده. منطقه ده بیرگروه هیات ایتیب بارگن بیراق اهالیگه هیچ قنتدی یاردم ایتکزیلمه گنی ایتله دی.

محلی رسمیلر گه کوره سوو قیرغاغی تهدیدلری آلدی آلینمه سه بوتون تومن سوو آستیگه قالیشی ممکن.

نه فقط قرقین بلکه امو دریا یانیده جایلشگن باشقه بیر قطار شمالی ولایت لری هم شوکبی تهدید لر بیلن یوزمه یوزبولیب تورگن.

شمالی جوزجان ولایتی نینگ امو دریا یانیده جایلشگن قرقین تومنی نینگ اهالیسی گه کوره قیش فصلیده هم کونیده تورت بیش اوی سوو استیده قالیب، اونلب عاییله لرنی اواره بولیشگه مجبورلنترگن، اوشبو تومن اهالیسی نی ایتشچه اویلرنی سوو استی گه قالیشی قریب ایککی ییل دن بیری دوام ایتماقده بیراق سونگی ایککی هفته جریانیده بومعما جدی لشگن اوز اویلرنی قولدن بیریب باش پناه سیز قالگن عاییله لر قمزار حدودلر و اوز ایقین لری اویده یمان بیر وضعیت ده حیات اوتکزیب کیله یاتگنی ایتلماقده قرقین تومنی نینگ قشلاق خواجه لیک باشلیغ لریدن بیری محمد ارشاد ایسه اوی جایلرینی قولدن بیرگن عاییله لر بیرینجیدن باش پناه و ازوق اوقات کبی ماده لرگه جدی احتیاجی بارلیگینی ایته دی.

قرقین تومنی نینگ حاکمی محمد نظر نوید اهالینی بوشکایت لرنی تصدیق لب اگرده امودریا تخریباتی آلدی الینمه گیدیک بولسه بوتون قرقین تومنی اورته دن کیتیشی بیلن اگاه لنتردی.

جوزجان ولایتی دن بیرگروه هیات منطقه ده ایتیب بارگن، هیات اعضالریگه کوره قرقین تومنی نینگ دینار و شورتپه قشلاق لریده قرق اوی بوتونلی ویران ایتلیب اهالینی ایکن زارلری هم دریا حدودی گه ایلنگن. جوزجان ولایتی نینگ طبعی افت لرگه قرشی کوره شیش اداره باشلیغی انجنیر عزیزالرحمان ایماق حاضرگه قدر هم خساره مند عاییله لرگه یاردم یتکزیمله گنینی ایتدی.

بوندن آلدین لرهم قرقین اهالیسی امودریا تهدیدی باره سیده خواطر بیلدریب دولت نینگ جدی اعتبار قره تیشینی طلب قیلگندی لیکن کورنیشچه بو معمانه فقط حل بولمه گن بلکه کون اوتیشی بیلن یمانش لشماقده.

جوزجان ولایتی نینگ ملت وکیللی داکتر عنایت الله بابر فرهمند، قرقین اهالیسی نینگ شکایت لری گه بهابیریلمه گنیگه اساسا دولت نینگ عیبلب سوو تهدیدینی الدینی الیش اوچون اساسی ایش بولمه گنینی اورغوله دی.

قرقین تومنی قوشنی ترکمنستان بیلن چیگره داش بولیب، یاز موسیمیده سووتاشقینی باعث جدی خساره کوره دی.

اهالی نه فقط اوی جایلری بلکه چاروا مال و ایکین زارلرنی هم قولدن بیره دیلر.

معلومات لرگه کوره اوتگن ایککی ییل جریانیده یوزلب اویلر امودریا سوو طفیلی ویران ایتیلگن.