حاجی گک کانی نینگ ایشله ب چیقاریشی اوچون مذاکره لر باشلنه دی

Image copyright BBCPersian.com

افغانستان حکومتی، بامیان ده جایلشگن حاجی گک کانی نینگ ایشله ب چیقاریشی توغری سیده، کانادا و هندوستان لیک کمپنی لر بیلن قیته دن مذاکره لرینی باشله یدی. حکومت نینگ معلوم قیلیشیچه، مذکور حاجی گک تیمیر کانی نینگ ایشله ب چقاریشی ده، قریب اوتیز بیش مینگ افغان اهالی سیگه ایش زمینه سی هم یره تیله دی. معلومات لرگه کوره، حاجی کگ کانی نینگ ایشله ب چیقاریش یانیده، تیمیر یولی، همده تیمیر نینگ ییریتیش فابریکه سی هم ایشگه باشله یدی. افغانستان حکومتی حاجی گک تیمیر کانی نینگ ایشله ب چیقاریشی نی بوندن بیر ییل آلدین خلق ارا شرکت لر آره سیده بیله شو گه قویگن ایدی. مذکور بیله شوده 21 خارجی شرکت لر قتنه شیب، نتیجه ده کانادا و هندوستان لیک ایککی شرکت مذکور کان نینگ ایشله ب چیقاریش ایشی نی آلیشگه موفق بولدی لر. ایندی ایسه، افغانستان کانلر وزیرلیگی مذکور ایککی شرکت بیلن، حاجی کگ کانی نینگ قنده ی چیقاریشی توغری سیده مذاکره لرنی باشله گنی دن خبر بیرماقده. مذکور وزیرلیک سوزچی سی جواد عمر نینگ معلوم قیلیشیچه، کانادا و هندوستان لیک شرکت لر بیلن مذاکره لر توگه یشی بیلن، افغانستان دولتی حاجی گک تیمیر کانی نینگ ایشله ب چیقاریش ایشی باشله نیشی نی مذکور شرکت لرگه رخصت بیره دی. حاجی گک تیمیر کانی، بامیان ولایتی نینگ "بابا" ناملی تیزمه تاغلری کابل دن قریب یوز کیلو متر اوزاق لیگیده جایلشگن. حاجی گک کانی 16 کیلو متر اوزون لیگی بولیب، 550 متر هم چقورلیگی بار. بیرینچی حسابات گه کوره، حاجی گک کانیده جایلشگن تیمیر لرنینگ ایشله ب چیقاریش ایشی 180 ییل دوام تارته دی. موجود حسابات نینگ معلوم قیلیشیچه، مذکور کانده قریب ایککی ملیارد تُن تیمیر موجود لیگی تخمین ایتیلگن. شو نینگ دیک رسمیلرگه کوره، مذکور کان نینگ ایشله ب چیقاریلیشی بیلن، مملکتده هر ییلی، 300 ملیون دالر منفعت آلیب کیله دی.