بیرلشگن ملت لرتشکیلاتی افغانستانده ینگی وکیل تعیین ایتدی

Image copyright UN

سلواکیا وطنداشی بولگن التمیش یاشر یان کوبیش، بیرلشگن ملتلر تشکیلاتی نینگ افغانستانده گی آلتینچی وکیلی صفتیده تعین ایتیلگن.

کوببیش جنابلری مسکوده گی خلق ارا انستیتوت نینگ بیتیرگنیدن سونگ اوتگن چهار شنبه کونی کابلگه کیلیب اوز وظیفه سینی رسمی شکلده اشغال قیلگن.

او، بو وظیفه گه تعیین ایتملسدن آلدین بیرلشگن ملت لر تشکیلاتی نینگ اروپاده گی اقتصادی کمیسیون نینگ اجراییوی کتابتچی سی صتفیده وظیفه آلیب باررایکن. عین حالده او 1990 میلای ییل بیرلشگن ملت لر تشکیلاتی نینگ تاجکستان ده گی مخصوص وکیلی صتفتیده تعیین ایتلیب ایککی ییل فعالیت آلیب بارگن.

کوبیش جنابلری افغانستانده ینگی ماموریتینی رسما باشله نیشی مناسبتی بیلن بونده ی ایضاح له گن:

"مین بوییرده ایش قیلیشگه سعی قیله من، همده امنیتی مسوولیت لرنینگ تاپشریلیشی خصوصیده افغان لر بیلن همکارلیک قیلیش اوچون جدی سعی قیله من شونینگ دیک افغان لر بیلن یخشی همکاربولیشگه امید بیلدره من."

کوبیش جنابلری اوچ اونلیک دیپلوماسی تجربه گه ایگه بولیب، سلواکی، انگلیسی، روسی، چکی وفرانسوی تیللریده یازیش واوقیشگه قادر بولگن.

بوندن آلدین استیفن دموسترا بیرلشگن ملت لرتشکیلاتی نینگ افغانستانده گی وکیلی صفتیده وظیفه آلیب باررایدی اونینگ ایککی ییلیک ماموریتی توگنیدن کیین ایسه کوبیش جنابلری اونینگ اورنیده تعین ایتیلگن.

بیرلشگن ملت لرتشکیلاتی نینگ مخصوص وکیللری هربیر اولکه ده ایسه ایککی ییل ماموریت قیله دی.

هرچند بیرلشگن ملت لرتشکیلاتی نینگ هربیر اولکه ده کی وکیلی ریجه اساسیده اوشبو اولکه بیلن یقین علاقه سی بوله دی لیکن بو تشکیلات افغانستانده گی وکیلی ماموریتی انچه اغیر بولیب، افغانستان نینگ تورلی بولیم لری انیقسه سیاسی وخوف سیزلیک ساحه لریده کوپراق حصصه قوشیب کیلماقده.

تینچلیک جریانیده هم بیرلشگن ملت لر تشکیلاتی نینگ مخصوص وکیلینی اساسی رولی بولگن.