تورت فرانسه لیک عسکر نینگ هلاک ایتیلگنی جدی مناسبت لرگه سبب بولدی

Image copyright AFP

تورت فرانسه لیک عسکری بیر افغان عسکری تمانیدن آتیب اولدریلگنی آرتیدن فرانسه جمهورریسی، اوشبو اولکه حربیلری تمانیدن افغان کوچلریگه بیریله یاتگن حربی تیارگرلیک لرنی وقتینچه لیک توخته تیلیشنی اعلان قیلگن.

اوشبو تورت فرانسه لیک عسکری کاپیسا ولایتیده افغان عسکرلریدن بیری تمانیدن نشانگه آلنیب هلاک بولگن لر.عینی حالده یوزبیرگن حادثه ده ینه 16 فرانسه لیک عسکر هم یره لنگنی ایتیلماقده.

فرانسه جمهورییسی نیکولای سارکوزی اوشبو حادثه نی " قبول قیلینرلی " بیرعمل ایمس لیگینی اورغولب ، حادثه نی تیکشریش اوچون فرانسه تشقی ایشلر وزیری ژوپه قوشیمچه بیرگروه هیات افغانستان گه سفرقیلیشینی معلوم قیلگن.

فرانسه لیک مقاملر بو حادثه گه جدی قرشی لیک بیلدریب، اوشبو اولکه کوچلری تمانیدن افغان حربی لریگه بیریله یاتگن مشق تیارگرلیک لر، همده قوشمه حربی عملیات لرنینگ توخته تیلیشینی ایتگن لر.

سونگی بیر ای جریانیده فرانسه لیک کوچلریگه قرشی ایککینچی قانلی هجوم دیر. اوتگن دسامبر آیده افغان عسکرلریدن بیری ایککی فرانسه لیک عسکری نینگ هلاک ایتگندی.

ایریم لر افغان کوچلری اره سیده طالبان عصیانچیلری جای آلگنی باعث شوندی هجوم لر یوزبیریشی گه سبب بولیب کیله یاتگنینی ایته دی.

طالبان بیر بیانات ترقه تیب فرانسه لیک عسکرلری نینگ اولدیرگن افغان عسکری ؛ اوشبو گروه بیلن علاقه ده بولگنی بیللی ایمس لیگینی ایتیب، اما اوتمیش لرده طالبان عصیانچیلری نینگ ملی اردوکوچلری اره سیده جای الگنی یخشی نتیجه بیرگنینی ادعا قیلگن لر.

ناتو باش کاتبی انرس فو راسموسن، جمعه کونی یوزبیرگن حادثه نی ناتو کوچلری اوچون ماتم کونی اته گن. شونینگ دیک ملی اردوکوچلری اره سیدن خارجی کوچلرنینگ نشانگه النیشینی جدی قاره له گن.

بوندن آلدین ناتو کوچلری نینگ کابلده کی سوزچیسی کارستن جاکوبسون بی بی سی بیلن بولگن صحبتیده هجوم اویشترگن افغان عسکری نینگ توتیلگنیدن خبربیریب، تحقیقات آلیب باریله یاتگنینی ایتگندی.

بوحادثه خصوصیده افغانستان جمهورریسی حامدکرزی جدی مناسبت بیلدریب حادثه نی قاره لب چیققن، همده بوحادثه نی یوزبیریشی اوچون فرانسه جمهورییسی، فرانسه مردمی وقربان بولگن فرانسه لیک عسکر لرنینگ قرینداشلریگه تسلیت بیلدیرگن.