ثریا دلیل: کیله سی ییللرده یاردم لر آزه لیشی ممکن

Image copyright Getty Images

افغانستان عامه ساغلیک وزیرلیگی، کیله سی ییللرده اوشبو وزیرلیککه بیریله یاتگن تشقی یاردملرنینگ آزه لیشدن خواطر بیلدیردی.

وزیرلیک رسمیلری، مسوولیت لرنی افغان لرگه تاپشریش همده جهانی مالی انقراض یاردملرگه تاثیریتکزیشی ممکن لیگینی ایته دی.

ساغلیک بولیمیده برنامه لشتریش آتی بیلن یولگه قویلگن اوچ کونلیک یغینده ، 2011 - 2015 میلادی ییللر اراسیده ساغلیقنی سقلش توغریسیده کی یولگه قوییلگن استراتیژیک برنامه لر کوریب چیقله دی .

افغانستان عامه ساغلیک وزیری داکتر ثریا دلیل کیله سی ییللرده عامه ساغلیک وزیرلیگی گه بیریله یاتگن یاردم لر کمیشی دن خواطر بیلدریب، شو پله دن موضوع نی دنیا جماعه چیلیگی بیلن اورته گه قویلگنینی ایتدی."بیزبیله میز موجود معما وجهانی مالی انقراض، ساغلیک توغریسده گی یاردم لرنی کمیشی گه سبب بوله دی. قولگه کیلتریلگن یوتوقلرنی حاضرگی چه سقلش اوچون، سعی حرکت لرنی یولگه قویب دنیاهم جماعه چلیک وکیللری بیلن بو مسله نی محاکمه قیله میز.تاکی ایترلی مالی هزینه گه ایگه بولسک."

شونینگ دیک خانم دلیل صحی خذمتلرنی یخشی بیرشکلده یولگه قویلیشی اوچون کتته خرجت گه نیاز بارلیگینی اوغولب بوحقده شوندی دیدی."حاضرگی صحی خذمت لرنی یولگه قویش اوچون هرییلی کمیده 300 میلیون دالرگه احتیاجی میزبار،اما شفاخانه لرنی یخشی لشتریش وساغلیک بولیم لریده جدی اوزگرتریش آلیب کیلیش اوچون قوشیمچه یاردملرگه نیاز بار."

نه فقط افغان مقاملری بلکه دنیا جماعه چیلیگی وکیللری هم صحی خذمت لرنی اوتگن یللرگه قره گنده یخشی بولگنینی تصدیق لیدی. آنه وباله لرنینگ اولیم حاللری کمیگنی قولگه کیرتیلگن یوتوق لردن بیری دیه کورسه تیلماقده.

کانادا دولتی نینگ کابلده کی ایلچیسی اورین باسری الیسن ریدل اوچ کونلیک یغن نینگ باشله نیشیده حصصه قوشیب ساغلیک توغریسده یاردم بیریش اوچون ارتیق هماهنگ لیک لرگه نیاز بارلیگینی تاکیدله دی.

عامه ساغلیک وزیرلیگی تمانیدن چیقاریلگن رسمی حساباتی گه کوره حاضرگه قدرهم اوشبو وزیرلیک اوتزفایز عیال خادملری آزلیگی بیلن یوزمه یوز.

ساغلیک بولیمی ده فعالیت الیب باره یاتگن افغان و خلق ارا تشکیلات لر عیال قابله لرنی تیارلش کبی برنامه لری یولگه قویلگنیدن خبریب. بو کمچلیکنی حل ایتیلیشی گه امید بیلدماقده. باشقه تماندن چیککه حدودلرده شفاکارلر ازلیگی هم اساسی معماگه ایله نگن.