ملی جبهه: کرزی حکومتی ناکام و فاسد

Image copyright BBC World Service

افغانستان ملی جبهه سی، جمهور رییس کرزی تمانیدن یوریتیلگن سوزلر قرشی سیده، حاضرگی تیزم نینگ ناکام و فسادگه بادگن دیب معلوم قیلگن.

جمهور رییس کرزی توناون افغانستان پارلمانی نینگ 16 نچی دوری باشلنیش مراسمی ده، چیت ایللیک لراشاره سی بیلن افغانستان تیزمی نینگ اوزگرتریش سناو مرکزی و لابراتوری ایمس لیگینی ایتیب، حاضرگی تیزم نینگ اوزگرتریش گه هیچ کیم گه ایزین بیرمسلیگینی تاکیدله دی.

اما ملی جبهه ایجاد ایتیلیشی دن کیین مذکور جبهه رهبر لری امریکا سنا مجلسی نینگ بیرقنچه اعضا لری بیلن آلمان نینگ برلین شهریده اوچره شیش لری افغانستان ایچکری و تشقری سیده جنجل لی بحث لرگه ایلنگن.

ملی جبهه رییسی احمد ضیا مسعود، اوتگن اون ییل دن بیری حاضرگی تیزیم خلق نینگ حیاتیگه هیچ قنده ی اوزگریش کیلتیرمه گنی نی ادعا قیلدی.

مسعود جنابلری گه کوره، کم بغل لیک و فساد کوپه یگنی، حاضر گی حکومت نینگ ناکام لیگی نی کورستماقده.

او، ریاستی تیزم اورنیده، پارلمانی تیزیم شکل لنیشی، شو نینگ دیک والی لر، اولوسوال لر و بلدیه لر باشلیغ لری سیلاو طریقی دن سه یلنیش لرینی افغانستان حل یول لری دیر دیب معلوم قیلدی.

ملی جبهه رییسی شونگه قوشیچه قیلیب، افغانستان قیین چیلیک لری نینگ برطرف قیلیش اوچون، باشقه سیاسی طرف لر همده حکومت بیلن مذاکره میزیگه بحث قیلیش گه تیار ایکن لیگی نی هم بیان قیلدی.

جاری تیزم قرشی سیده ملی جبهه ایجاد ایتیلیشی آرتیدن، جمهور رییس کرزی قتیغ مناسبت بیلدیریب، قیرق ییل جریانیده نیچه تیزیم اورته گه کیلیب، اجتماعی بولیم لرنی ویران ایتیش دن باشقه هیچ قنده ی منفعت کیلتیرمه گنی نی ادعا قیلگن.

احمد ضیا مسعود، جنرال عبدالرشید دوستم و محمد محقق ملی جبهه نینگ اینگ مهم اعضالری صفتیده، جاری تیزیم قرشی سیده ینگی سیاسی فعالیت باشله گن لر. مذکور جبهه دن تشقری، حکومت سیاستی گه قرشی تورگن ملی ائتلاف آتی بیلن، داکتر عبدالله عبدالله هم فعالیت قیلیب کیلماقده.

افغانستانده ریاستی، پارلمانی و فدرال تیزیم لری اوزلریگه یرشه طرف دار لری و تنقید چیلری بولگن. اما بیر قنچه معلومات لرگه کوره، ملی ائتلاف و ملی جبهه گروه لری اوز مقصد لریگه ایریشیش لری همده کیله سی جمهورلیک ریاستی سیلاولری گه خلق آوازی نی قولگه کیلتیریش مقصدیده، قوشمه بیر ائتلاف نی تشکیل بیریش لری ایتیلماقده