اوزبیک تیلیده کتاب چاپ قیلیش اوچون علمی سیمینار یولگه قویلدی

ایلک مرته اوزبیک تیلیده کتاب چاپ قیلیش آتی بیلن پایتخت کابلده ایککی کونلیک سیمنیار یولگه قوییلدی ، اوشبو سیمنارده افغانستان بویلب اوزبیک تیلیده کتابلر یازیب کیلگن بیرقطارمتخصص و یازووچیلر اشتراک ایتگندی.

اوشبو سیمینار سونگیده بو تیلده یازیله دیگن کتابلر معیا ری شکلده یازیلیب چاپدن چیقیشی عینی حالده عالی اوقویورت لرده اوزبیک تیلی بوییچه ایجاد ایتیلگن دیپارتمنت لرده هم معیاری درسلیک مواد تیارله شی گه اعتبار قره تیلیشی تاکیدلندی.

بو ایککی کونلیک دوستیم بنیادی تمانیدن یولگه قویلگن.

یولگه قوییلگن اوشبو ایککی کونلیک علمی سیمینار، یازووچی و اوزبیک تیلی بوییچه متخصص لری تمانیدن اوشبوتیل ساحه سیده بیرینچی کوتاریلگن علمی یول یوروق لر دیه بهالندی.

سیمینار قتنه شووچیلری اوزبیک تیلیده معیاری طرزده عامه خلق ، بیلیم یورتلرو معلم تربیه لاوچی مرکز لرده گی طلبه لر اوچون کتاب چاپ قیلیشنی محاکمه ایتگنلر، متخصص لر بوندن بویان یازیله دیگن کتابلرنی کوریب چیقیش اوچون مخصوص بیر کمیسیون ایجاد ایتیلیشی گه هم قرار آلگنلر.

سیمینار قتنه شووچیلریدن بیری استاد محمد کاظم امینی مولف لرگه معلوم درجه ده حق الزحمه بیریب کتابلر دوستم بینادی تمانیدن چاپ ایتلیشگه امید بیلدیردی.

سیمینار ده حصه قوشگن استاد نورالله آلتای، اوزبیک تیلی بوییچه ریفورم لر کیرتیلگنینی ایتیب، بوندن کیین چاپ بوله دیگن کتابلرنی اوشبو معیارلر اساسیده یازیلیشیی گه امید بیلدیره دی همده. کلاسیک وزمانوی ادبیات نینگ رواجلنتیریش اوزبیک تیلی اوچون اوته مهم لیگینی ایته دی.

قندوز ولایتی نینگ معلم تربیه لش موسسه سی نینگ اوزبیک تیلی دیپارتمنتی استاد لریدن واصل نوریوکسک معلم تربیه لاوچی مرکزلریده واحد درسلیک کتاب بولمه گنینی تیلگه آلیب ، سیمینارده آلینگن قرارلرنی ایجابی توشیشینی ایتدی.

باشقه تماندن اوزبیک خلقی گه عاید عرف عنعنه ومحلی موسیقه نی رواجلنتیریش مساله لری هم سیمینارقتنه شووچیلر آره سیده محاکمه ایتیلیب بوخصوصده هم سعی وحرکت لر یولگه قوییلیشی گه قرار آلینگن .

دوستم بنیادی نینگ فرهنگی اورین باسری محمد عارف صدری سیمینارده آلینگن قرارلرنی عملی قیلیش اوچون اوشبو بیناد تولیق همکارلیک قیلیشینی سوزبیردی.

اساسی قانونده اوزبیک تیلی وباشقه تیللرنی رواجلنتیریش اوچون دولت نینگ مسوول ایکن لیگی قید ایتیلگن شونگه اساسله نیب دولت تاماندن اوزبیک لرزیچ یشه دیگن مکتب لرده اوزبیک تیلی درسلیگی چاپ ایتیلب ییتکه زیلگن اما چاپ ایتیلگن کتاب لرده کوپگینه خطالرگه قوشیمچه بوکتابلرییترلی سانده بولمه گنی دایم شکایت لربیلن بیرگه بولگن

بیرنیچه ییل جریانیده بوتوغریده دولت تاماندن جدی اعتبارقره تمه یاتگنی تاکیدلنه دی .

بوندن تشقری قوریلیب فعالیت گه باشله گن بیرقنچه مدنی تشکیلات لر اوزبیک یازووچیلری مستقل شکلده یره تگن نظم ونثری موضوعلرینی توپلم شکلده چاپ ایتیب بیرگن بولسه هم کوپلب کتابلر اثرلرحاضرگه چاپ ایتیلمی قالگن.