قیصارده گی عامه وی قیرغین حاضر هم خلق خاطره لریدن اونوتیلمه گن

میلادی 1998 ینچی ییلده یوزلب عادی اهالی طالبان گروهی تمانیدن قتل ایتیلیشی آرتیدن، هلاک بولگن لر جنازه لری قیصارنینگ بیرقنچه آق سقال لری تمانیدن بیر گدام گه کیلتیریلگن. ایندی ایسه مذکور کدام باغلنگن و بوندن هیچ قنده ی فایده لنیلمه یدی.

هرچند قیصار حادثه سیدن، 14 ییل اوتگن اما حاضر هم قیصارلیکلر طالبان تمانیدن عادی اهالی اولدیریلگنی خاطره لریگه بارلیگی دن سوز یوریته دیلر.

قیصار یشاوچی لریدن نور احمد، طالبان گروهی مذکور تومن گه کیریشی بیلن آته واکه سی نی قتل قیلگن لیگی نی حکایه قیله دی. نور احمد اوشه زمان آنه و بیر اوکه سی بیلن تاغلرگه قره ب قاچکن ایکن، هوا ساووق بولگنی باعث، اوکه سی هم موزلب دنیا دن کوز یومگن. آنه سی بیلن قیته دن اویگه کیلیشی بیلن آته و اکه سی نینگ جنازه سی نی کورگنی دن کیین آنه سی هم سکته قیلگن.

شو نینگ دیک، قیصار تومنیده گی آق سقال لریدن مولوی صمدی ایسه، طالبان عادی اهالی نینگ قتل قیلگنی دن کیین، قشلاق لرگه باریب، هلاک بولگن لرنینگ قیصار شهریده گی قدیمی گدام گه کیلتیرگنی نی معلوم قیلدی.

" شو حادثه لردن بیر کون اوتیشی بیلن مین بیر طالبنی یانیگه باریب اونگه ایتدیم که ینه بیر کیشی نی مین بیلن قوشیب، کوچه لر و قشلاق لرده یاتگن جنازه لرنی یغیب مذکور گدام گه کیلتیریش اوچون رخصت بیرگین. تا اولگن لر قرینداش لری کیلیب جسد لرنی ایلتسینلر. مین اوزیم، 580 جنازه نینگ شو گدام گه تیریب قویدیم. قیصار نینگ چیکه حدود لریده گی کیکسه لر قاچه آلمه گن لری باعث، هم اولدیریلگن ایدیلر. اولر نینگ سانی هم قریب 200 کیشی گه ییتیشه دی."

طالبان هجومی نتیجه سیده تورت عایله اعضا سی نینگ قول دن بیرگن نور احمد ایسه، مملکت حاضر گی وضعیتی دن خرسند لیک بیلدیریب، حیاتی یخشی شکلده اوتیشی نی بیان قیله دی. لیکن دولت طالبان بیلن مذاکره قیلیب مذکور گروه قیته دن حکومت چوکاتیگه کیریشی توغری سیده جدی قرشی لیک بیلدیره دی.

فاریاب ولایتی ده گی انسان حق لری نی سقله ش کمیسیونی نینگ اعضا لریدن بیری خانم فریده ایسه قیصارده قربان بولگن لر باره سیده آلتی ییل تیکشیریش یولگه قوییلگنی نی ایتیب، حادثه لر حقیقت لرگه ماس بولگنی نی معلوم قیلدی.

خانم فریده شونگه قوشیمچه قیلیب، انسان حق لری نینگ سقله ش کمیسیونی تمانیدن تیارلنگن گزارش حاضر گه قدر ترقه تیلمه گنی نی هم تأکید له دی.

بو حالتگه قرگنده، طالبان، قیصار ده عادی اهالی نینگ اولدیریشیگه نیگه قول اورگن لر؟

فاریاب ملت وکیل لریدن محمد هاشم اورتاق ایسه، طالبان گروهی بیر مرته میلادی 1997 ینچی ییلده مزارگه کیلیب، اوشه زمانده گی متحد جبهه نینگ قوماندان لری تمانیدن آغیر تلفات لر گه یوزمه یوز بولیشی اوچون، عقده آلیب ایککینچی مرته عادی اهالی نینگ اولدیریشگه قول اوریش لرینی معلوم قیله دی.

اورتاق جناب لری مذکور عامه وی قرغین نینگ ایکینچی سببی نی، قیصار لیک لر، طالبان گه قرشی مقاومت کورسه تیش لرینی بیان قیلدی.

طالبان حاکمیتی زمانیده، مملکت شمالی حدودلریده بیر قنچه قوماندان لری اولگن. شو نینگ دیک بیر قنچه سی هم امریکا لیک لر نینگ گوانتاناموده گی قماق خانه سیده آزاد لیک دن محروم ایتیلگن لر.

هرچند قیصار حادثه سی توغری سیده طالبان گروهی نینگ مطبوعات بیلن صحبت بیره یاتگن سوزچی لری بیلن گپله شیش گه حرکت قیلدیک لیکن اولر بیلن علاقه قوره آلمه دیک.

ایندی لیکده طالبان گروهی بیلن مذاکره لر آلیب باریش موضوع سی افغانستان ایچکری سیده همده تشقی مملکت لرده جدی بحث لرگه سبب بولگن.

هرچند طالبان گروهی امریکالیک لر بیلن مذاکره آلیب باریشگه تیارگرلیک کورسه تگن لر لیکن بیر قنچه تحلیل چی لر، مذکور گروه میلادی 2014 ینچی ییل گه قدر دنیا هم جمعیت مملکت لری نی مذاکره لر یولگه قوییشی بیلن مشغول قیلیب، خارجی کوچلر افغانستان دن چیقیب کیتیشی بیلن ینه هم کوچلی بیر شکلده اوریش لری نینگ دوام بیریش لری ممکن لیگی نی ایته دیلر.