تخارده اوزبیکستان اسلامی حرکت رهبرلریدن بیری اولدیریلگن

افغانستانده گی خلق ارا کوچلر نینگ خبرقیلیشلریچه، مملکت شمال شرقیده گی تخار ولایتی ده اوزبیکستان اسلامی حرکت رهبرلریدن بیری الهام نامی بیلن تانیلگن شخص اولدیریلگن.

خلق کوچلر ترقه تگن بیانات گه کوره تخار ولایتی نینگ مرکزی تالقان شهریدن بیرنیچه چقریم اوزاق لیکده جایلشگن اهن دره منطقه سیده خوف سیزلیک کوچلری بیلن بیرگه لیکده اوزبیکستان اسلامی حرکت جنگره لرینی قیدریش عملیاتی اوتکزیلگن.

مخصوص عملیات چاغیده جنگره لر نینگ خلق ارا و خوف سیزلیک کوچلریگه قورال قرشی لیک کوره سه تگن لری خبر قیلینگن.

اوریش نتیجه سیده اوزبیکستان اسلامی حرکتی نینگ اوشبو حدودده گی رهبری دیب کوریلگن الهام و ینه بیر جنگره اولدیریلگن. ینه بیری قولگه الینگن.

خلق ارا کوچلر گه کوره الهام 2001 میلادی ییل نینگ دیسامبری آی نینگ 25. سیده تخار رسمیلریدن بیرینی هلاک ایتگن انتحاری هجوم اوچون مسوول شخص بولگن.

شونینگ دیک او، انتحاری هجومچی لرنی تیارگرلیک لردن اوتکزگنی خبر قیلینگن. تخارولایتی تاجکستان بیلن چیگره داش بولیب اوشبو ولایت نینگ چیگره تومنلریده عصیانچی گروه لرنینگ انچه فعال بولگنی ایتله دی. شونینگ دیک محلی عصیانچیلر اره سیده اوزبیکستان اسلامی حرکت اعضالری هم بولگن لیگی ایتیله دی.

تخارولایتی نینگ ولایت حاکمی عبدالجبار تقوا اوتگن کیچه یولگه قویلگن.حربی عملیات ده ایککی کیشی قربان بولگنینی تصدیق لب لیکن ناتو تمانیدن اوزبیکستان اسلامی حرکت رهبری دیب تانشتریلگن شخص نینگ حاضرگه چه کیم لیگی معلوم بولمه گنینی ایته دی.

رسمی معلومات لرگه کوره اوزبیکستان اسلامی حرکتی نینگ تخار ده گی رهبری دیب تانشتریلگن شخص جسدی عمومی کسل خانه ده انتقال بیریلیب اونینگ کیم لیگینی انیق لش اوچون تیکشرو باشله تیلگن.

تخار ولایتی نینگ خوف سیزلیک نظارتی ایرته ناتو کوچلریدن افغانستان کوچلریگه تاپشریلیشی کوتیله دی.