ناتو حساباتی : پاکستان توغریدن توغری طالبان گه یاردم بیره دی

Image copyright Reuters

ناتو حساباتیده، افغانستان لیک طالبان عصیانچیلری توغریدن توغری پاکستان جاسوس لیک اداره سی تماندن حمایه بولیب کیلینه یاتگنی تاکیدلنگن، اوشبو حسابات قماققه الینگن طالبان عصیانچیلری اوستیدن اوتکزیلگن تیکشرولرگه ماس تیارلنگن.

شونینگ دیک سری شکلده ناتو تماندن تیارلنگن، حساباتده پاکستان دولتی منبع لری طالبان رهبرلری نینگ قیرده استقامت قیلیب کیله یاتگنیدن هم تولیق آگاه ایکنی ادعا قیلینگن.

بوندن آلدین امریکالیک مقاملر هم پاکستان نینگ طالباندن حمایت قیلیب کیله یاتگنی گه عیبلب حتی القاعده ترماغی بیلن علاقه دار لیکده بولگنینی ادعا قیلگن ایدی.حال بوکی پاکستان دولتی بوکبی ادعالرنی هردایم رد ایتیب کیلماقده.

امریکا مدافعه وزیرلیگی سوزچیسی جان کربی سونگی حسابات خصوصیده فکربیلدریب، پاکستان نینگ افغان عصیانچیلری بیلن علاقه داربولگنینی تصدیق لب ، بوحقده شوندی دیگن " مدافعه وزیرلیگی پاکستان جاسوس لیک اداره سی نینگ ایریم مقاملرینی افغانستان لیک عصیانچیلر بیلن علاقه ده بولگنیدن خواطر بیلدرگندی ."

عینی حالده ناتو کوچلری اوشبو حساباتده افغان لر نینگ طالبان دن بولگن حمایت هلی هم کمیمه گنینی ایتگن.

پاکستان جاسوسلیک اداره سی اوشبو اولکه نینگ اینگ مهم تشکیلاتی بولیب، فعالیتیدن اساسی مقصد پاکستان نینگ ملی امنیتینی سقلش دیه اعلان قیله دی ، بیراق ایریم غرب منبع لر بو تشکیلات عصیانچی گروه لردن حمایت کوره سه تیش فعالیت لرینی توخته تیش نیتیده ایمس لیگینی ایتماقده.

بو حسابات قماققه آلینگن تورت مینگ دن آرتیق طالبان عصیانچیلری اوستیدن اوتکزیلگن تحقیقات نتیجه لریگه ماس تیارلنگن.

حسابات نینگ تیارله گن لر حاضرگه قدر طالبان رهبرلریدن پاکستان فایده له نیب کیله یاتگنی اورغوله نیب اولرنینگ قییرده بولگنیدن پاکستان دولتی اگاه ایکنینی ایتگن.

خوف سیزلیک مسوولیت لرینی افغان لرگه تاپشریش برنامه سی دوام تارتیب کیله یاتگن بیر پیت ناتو نینگ ینگی حساباتی ترقه تیلگن.

شونینگدیک اوشبو حساباتده اوتگن ییل ، طالبان طرفدارلریگه افغان لرنینگ قوشیلیش حاللری هم کوپلب کوزه تیلگنی اورغولنگن. حسابات یازوچیلریگه کوره بیرقنچه افغانستان لیک طالبان اداره سینی افغان دولتی اداره سیگه کوره افضل بیله دی.

شونگه قوشیمچه طالبان عصیانچیلری ناتو نینگ بعضی حدودلردن چیقیب کیتیشی گه ترغیب قیلیش اوچون اوز فعالیت لرینی قیسقرتیرگن دیه یازیلگن؛ اوشبو گزارشده.

شونینگ دیک بی بی سی خبرنگاری نینگ ایتیشچه ینگی چیقاریلگن حساباتده ناتو کوچلری ترک ایتگن منطقه لرده طالبان فعالیتی ارتگنی تاکیدله نیب، دولت کوچلری نینگ عصیانچیلرگه قرشی کوره شیشی جدی بولمه گنی ادعا قیلینگن همده ایریم حالت لرده طالبان پلیس و ملی اردو کوچلری حمایتی دن بهره مند ایکن لیگی ایتیلگن.